ჩვენი მთავარი საზრუნავი ამ ეტაპზე სასამართლო სისტემის დამოუკიდებლობისა და კონკრეტული ინდივიდუალური მოსამართლეების დამოუკიდებლობის უზრუნველყოფა და მათი დაცვაა ყოველგვარი ზეგავლენისგან, უარყოფითი პოზიციისგან; იმისთვის, რომ დაცული იყოს მართლმსაჯულების პროცესი, - ამის შესახებ იუსტიციის უმაღლესი საბჭოს თავმჯდომარემ, ნინო გვენეტაძემ ჟურნალისტებს განუცხადა.  

როგორც გვენეტაძემ აღნიშნა, იუსტიციის უმაღლეს საბჭოს სხვა საკითხებთან დაკავშირებით არ უმსჯელია და ამ ეტაპზე საბჭო თავს იკავებს რაიმე განცხადების გაკეთებისგან.

"გამოძიება დაწყებულია და დაველოდებით მის შედეგებს", - განაცხადა საბჭოს თავმჯდომარემ.

ჟურნალისტების კითხვაზე, ფარული აუდიოჩანაწერის მოსმენის შემდეგ ნახა, თუ არა ჩანაწერში დანაშაულის ნიშნები, ნინო გვენეტაძემ განაცხადა, რომ ამ შეკითხვას არ უპასუხებს.

"ასეთ შეკითხვებს პასუხს არ გავცემ. ამას კომპეტენტური ორგანოები დაადგენენ",- აღნიშნა გვენეტაძემ.

შეგახსენებთ, რომ იუსტიციის უმაღლეს საბჭოში სხდომა მიმდინარეობს, რომელზეც "რუსთავი 2"-ის გენერალური დირექტორის ნიკა გვარამიასა და საქალაქო სასამართლოს ყოფილი თავმჯდომარის მამუკა ახვლედიანის გავრცელებულ აუდიო ჩანაწერებზე იმსჯელეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი