მოხდება თუ არა „რუსთავი 2“-ის ორ საქმეზე გადაწყვეტილების მიღება, სასამართლოს დარბაზში გახდება ცნობილი, - ამის შესახებ საკონსტიტუციო სასამართლოს პირველი კოლეგიის ერთ-ერთმა მოსამართლემ მერაბ ტურავამ ჟურნალისტებს განაცხადა.

მისი თქმით, არც ელექტრონული ფოსტის და არც საკონსტიტუციო სასამართლოს საორგანიზაციო სამსახურიდან არ მიუღია ინფორმაცია, რომ „რუსთავი 2“-ის საქმეებზე გადაწყვეტილება დღეს უნდა მიიღონ.

„ხუთი საქმიდან ინფორმაცია, მხოლოდ 3-ზე გვქონდა, რომ უნდა მიგვეღო გადაწყვეტილება და ბოლო ორ საქმეზე, რომელიც „რუსთავი 2“-ს ეხება, ჩემთვის ინფორმაცია არავის მოუწოდებია. საწყენია, რომ ამ ინფორმაციას ჟურნალისტებისგან ვიგებ“, - აღნიშნა ტურავამ.

ცნობისთვის, საკონსტიტუციო სასამართლოში „რუსთავი 2“-ის შვიდი საქმეა შესული, აქედან ხუთ საქმეზე პლენუმი მსჯელობს, ორზე კი, პირველი კოლეგია.

საკონსტიტუციო სასამართლოს ვებგვერდზე განთავსებული ინფორმაციის თანახმად, „რუსთავი 2“-ის საქმეზე გადაწყვეტილება დღეს გახდება ცნობილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი