ე.წ. ნავთლუღის სპეცოპერაციის საქმეზე ყოფილი სამართალდამცველი ჯონი ჯოხარიძე დაიკითხა. ჯოხარიძე 2006 წელს ნავთლუღის ტერიტორიაზე ზონის ინსპექტორი იყო.

სასამართლოზე მიცემული ჩვენების მიხედვით, ჯოხარიძე სპეცოპერაციის დროს შემთხვევის ადგილიდან ოდნავ მოშორებით იდგა. მან დაინახა,  რომ ავტოსადგურის ტერიტორიაზე რამდენიმე ავტომანქანა გაჩერდა. ავტომანქანიდან გადმოვიდა 5-6 ადამიანი და გადმოსვლისთანავე  სროლა დაიწყეს.

როგორც ჯოხარიძე აცხადებს, მან დაინახა, თუ როგორ გარბოდა სამი პიროვნება და სწორედ მათ შეყვნენ ავტოსადგურის ტერიტორიაზე ეს იარაღიანი პირები, რომლებიც სამოქალაქო ფორმაში იყვნენ ჩაცმული.

ყოფილი სამართალდამცველის ინფორმაციით, როდესაც მიუახლოვდა ტერიტორიას, უთხრეს, რომ იქ ოპერაცია ტარდებოდა. მოწმე ამბობს, რომ დაინახა, ერთ-ერთ დაცემულ პირზე ნიღბიანმა პირმა როგორ განახორციელა გასროლა. მისივე ცნობით, ეს  ნიღბიანი პირი დათა ახალაია იყო.

"პიროვნებები, იქ ვინც ამოვიცანი, იყვნენ დათა ახალაია და გიორგი მაზმიშვილი",- აღნიშნა მოწმემ.

ამასთან, ჯოხარიძემ განაცხადა, რომ ტერიტორიაზე მიიტანეს იარაღები და დაალაგეს, რის შემდეგაც მოვდნენ სპეცრაზმელები. ამ სამ პიროვნებას იარაღი არ ქონია.

 ნავთლუღის სპეცოპერაციის საქმეზე დათა ახალაიასა და გია დგებუაძეს განზრახ მკვლელობის მუხლით აქვთ ბრალი წარდგენილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს