ვაშაძის პარტია, "გირჩი" და "ახალი მემარჯვენეები" ერთ ბლოკად ერთიანდებიან

2016-08-05 11:34:29, 1050 ნახვა

პოლიტიკა

სამოქალაქო პლატფორმა - ახალი საქართველო, ახალი პოლიტიკური ცენტრი გირჩი და პარტია ახალი მემარჯვენეები ერთ ბლოკად ერთიანდებიან.

როგორც "ექსპრესნიუსს" ვაშაძის პარტიაში განუცხადეს, გაერთიანების მიზეზი გარკვეულ პრინციპებზე შეთანხმებაა.

მისივე განმარტებით, მოლაპარაკებებს მხოლოდ პროდასავლურ პარტიებთან აწარმოებენ:

"მიმდინარეობდა კონსლულტაციები და უკვე სამი პოლიტიკური პარტია, რომელიც შეთანხმდა გარკვეულ პრინციპებზე, შესაბამისად დღეს ერთიანდება.მთავარი არის ის, რომ რაც შეიძლება მეტი პროდასავლური ძალა იყოს წარმოდგენილი ამ არჩევნებზე და ამ შემთხვევში ვფიქრობთ, საუკეთესო ვარიანტია ის პოლიტიკური გაერთიანება, რომელიც დღეს ოფიციალურად გაფორმდება",-განაცხადა ლევან ხაბეიშვილმა.

ხაბეიშვილის ინფორმაციით, პროდასავლურ პარტიებთან მოლაპარაკებები გრძელდება და გამორიცხული არ არის, მათ სხვა პოლიტიკური ძალაც შეუერთდეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან