სააგენტო "ინტრეპრესნიუსის" ფოტოკორესპონდენტ ირაკლი გედენიძეს აქციაზე მყოფი რადიკალი ნაციონალისტების ჯგუფი დაესხა თავს. როგორც "ექსპრესნიუსისთვის" გახდა ცნობილი, რამდენიმე ულტრა-ნაციონალისტი პოლიტიკური პარტია "რეფორმატორების" რიგებში ირიცხება. 

ინფორმატორის ცნობით, რამდენიმე მათგანი ისეთი მოძრაობების წევრები არიან, რომლებიც მკვეთრ ნაციონალიზმს ქადაგებენ და განსაკუთრებული აგრესიით გამოირჩევიან. ეს ადამიანები ღია პოლიტიკურ საქმიანობას "რეფორმატორებში" და "თავისუფალი საქართველოს" რიგებში აგრძელებენ.

დღეს  არასაპარლამენტო ოპოზიციის მიერ დაგეგმილი აქციის "შემოულაწუნე" კიდევ ერთ-ერთი მონაწილე, პარტია "რეფორმატორების" ლიდერის, ირაკლი ღლონტის თქმით კი, ის მომხდარი ინციდენტის საქმის კურსშია, თუმცა დეტალებზე ინფორმაციას არ ფლობს. იგი მიმართავს შსს-ს, გაარკვიოს, მომხდარი ხომ არ არის სპეცსამსახურების მიერ პროვოცირებული ქმედება და დამნაშავე დაისაჯოს.
"ინტერპრესნიუსის" ფოტოკორესპონდენტის, ირაკლი გედენიძის ცემის ფაქტზე გამოძიება სისხლის სამართლის კოდექსის 125-ე მუხლით მიმდინარეობს, რაც ცემას გულისხმობს. გედენიძე, რომელსაც აქციის "შემოულაწუნე" მონაწილეებმა ფიზიკური შეურაცხყოფა მიაყენეს და კამერა დაუმტვრიეს, სასწრაფო დახმარების ბრიგადამ ინგოროყვას კლინიკაში გადაიყვანა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ამერიკელი სენატორები ორივე პარტიიდან, პენტაგონისგან უკრაინისთვის დახმარების დაჩქარებას მოითხოვენ.

თბილისში მამაკაცი დანით მოკლეს, ეჭვმიტანილი დაკავებულია

წელს მეორედ, პუტინმა უკრაინაში ომის ასობით ათასი მსხვერპლი „არა ფუჭად“ მოიხსენია

„გამარჯობა, გრენლანდია!“: ტრამპი კუნძულის შესახებ ახალ პოსტს აქვეყნებს