ჩინეთის სინძიანის პროვინციის ქალაქ ურუმჩიში   ქართული ღვინისა და ჩინური კულინარიის საღამო გაიმართა, რომელიც ორგანიზებული იყო ქართული ღვინის ერთ-ერთი უმსხვილესი იმპორტიორი კომპანია „ბეიფანძიედას“ მიერ.

სოფლის მეურნეობის სამინისტროს ინფორმაციით, „ემა ჯგუფის“ (Yema Group) ცენტრში გამართულ ღონისძიებაზე, კომპანია "ბეიფანძიედას" წარმომადგენლებმა განსაკუთრებული ყურადღება გაამახვილეს საფერავის საუცხოო შეხამებაზე  სინძიანის ერთ-ერთ ყველაზე პოპულარულ და ცნობილ კერძთან „მეიძი მოკუ ჯინიუფე“ და ასევე ცნობილ ჩინურ ტრადიციულ კერძთან - „იხვი პეკინურად“. 

უწყების ინფორმაციით, ღონისძიებას ღვინის ეროვნული სააგენტოს თავმჯდომარე გიორგი სამანიშვილი დაესწრო, რომელიც სინძიანის პროვინციაში  სააგენტოს სხვა წარმომადგენლებთან ერთად ვიზიტით იმყოფებოდა. საღამოს დაესწრნენ სინძიანის მედიისა  და ბიზნესის წარმომადგენლები.

როგორც ღვინის ეროვნული სააგენტოს თავმჯდომარემ აღნიშნა,  კომპანია "ბეიფანძიედა" 10 წელია სინძიანში ქართული ღვინის იმპორტს ახორციელებს და ფლობს 11 ობიექტს, სადაც ქართული ღვინის შეძენა და დაგემოვნებაა შესაძლებელი. 

„ქართული ღვინის წარდგენა და პოპულარიზაცია 23-მილიონიანი მოსახლეობის პროვინციაში ძალიან მნივნელოვანია. სინძიანის პროვინციაში საქართველოს და  ქართული ღვინის კულტურას უფრო კარგად იცნობენ, ვიდრე სხვა პროვინციებში, სადაც რაოდენობრივად უფრო მეტი ღვინო იყიდება. აქ არის ქართული ღვინის რესტორნები, მაღაზიები, აქ უფრო მეტს საუბრობენ საფერავზე. აქ იყიდება 10-ზე მეტი ქართული ღვინის კომპანიის ღვინოები. ასე, რომ სინძიანის მოსახლეობას აქვს არჩევანი, რომ კარგი ქართული ღვინო გასინჯოს“ - აღნიშნა გიორგი სამანიშვილმა.

მისივე თქმით, სინძიანის პროვინციაში ქართული ღვინის იმპორტიორი კომპანიები გამოირჩევიან იმით, რომ ქართულ ღვინოს ადგილობრივ მომხარებელს ქართული კულტურისა და კულინარიის შეხამებით აცნობენ.

„ბეიფანძიედას“ გენერალურმა მენეჯერმა თონგ ჯიამ (Tong Jia) აღნიშნა, რომ სინძიანის პროვინციაში გამორჩეულად მოსწონთ ქართული, განსაკუთრებით წითელი ღვინოები, რაც იმის არის წინაპირობა, რომ სამომავლოდ ამ რეგიონში კიდევ უფრო გაიზარდოს ქართული ღვინის იმპორტი.

 „ჩინეთში, განსაკუთრებით სინძიანის პროვინციაში საკუთარი ღვინო საკმარისად გვაქვს. თუმცა, ქართული ღვინო რატომღაც უფრო საინტერესო გახდა ადგილობრივი მოსახლეობისთვის, რადგან ქართულ ღვინოს აქვს თავისი გამორჩეულობა, ძალიან ძველი კულტურა. ჩვენთვის ძალიან საინტერესო იყო ქართული კერძების დაგემოვნება და ამიტომ გავხსენით აქ ქართული რესტორნები. ჩვენს ობიექტებში ნახავთ ქვევრს, ყანწებს, გაეცნობით ქართული სუფრის ტრადიციებს, სადღეგრძელობს, მიიღებთ ინფორმაციას, რომ საქართველო არის ღვინის აკვანი. ჩვენი სურვილია, რომ ჩინეთის ყველა მოსახლეს მიეცეს ქართული ღვინის დაგემოვნების შესაძლებლობა“ - აღნიშნა მან.

ვიზიტის ფარგლებში ღვინის ეროვნული სააგენტოს წარმომადგენლებმა მოინახულეს კომპანია „ბეიფანძიადას“ ქართული ღვინის ობიექტები, შეხვდნენ ადგილობრივ ჟურნალისტებს. ასევე ესტუმრნენ ღვინის კომპანიას „Zhongli“, დაათვალიერეს კომპანიის ვენახები. 

კომპანია „ბეიფანძიადას“ ინვესტირებით სინძიანის პროვინციაში გახსნილია ქართული ღვინის პოპულარიზაციის ათეულობით ობიექტი - ქართული რესტორნები  („თამადა“), ღვინის მაღაზია-სალონები და ღვინის სარეალიზაციო ოფისები, სადაც აქტიურად იყიდება ქართული ღვინოები, როგორც კერძო პირებზე, ასევე ინტერნეტ მომხარებელზე.    კომპანიის დილერების რაოდენობა 70-ს შეადგენს, რომელთაგან 16 დილერს დამატებით ქართული ღვინის მაღაზია აქვს გახსნილი სინძიანის პროვინციაში.
ჩინეთში იმპორტირებული ქართული ღვინის ექსპორტის (2015 წლის მონაცემები)  13% სინძიანის პროვინციაზე მოდის.

სინძიანი ცნობილია ღვინის წარმოების ზრდისა და სოფლის მეურნეობის სხვა დარგების განვითარებით. 
კომპანია „ბეიფანძიადას“ ქართული ღვინის ობიექტებში, ქართული ღვინის გარდა ქართული თაფლის და ქართულ ჩაის რეალიზაციაც ხდება.

სინძიანის პროვინციაში (Xinjiang Uyghur Autonomous Region) 23 მლნ მოსახლეა. სინძიანს, აბრეშუმის გზის ეკომონიკური სარტყელის პროექტის სტრატეგიული, ცენტრალური ზონა უკავია. სინძიანს რვა ქვეყანა (მონღოლეთი, რუსეთი, ყაზახეთი, ყირგიზეთი, ტაჯიკეთი, ავღანეთი, პაკისტანი და ინდოეთი) ესაზღვრება.

ეკონომიკური და ტექნოლოგიური განვითარების ზონად არის აღიარებული სინძიანის დედაქალაქია ურუმჩი.

NS

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში