კორცხელში მომხდარ ინციდენტში მონაწილე ექვსივე სპორტსმენმა ორთაჭალაში მდებარე შსს-ს შენობაში გამომძიებლებს ჩვენება მისცა.

სპროტსმენებმა უწყება  გვიან ღამით დატოვე. მათ მედიასთან კომენტარი არ გაუკეთებიათ.

პარალელურად, შსს-ს მიმდებარე ტერიტორიაზე სპორტსმენების ოჯახის წევრები, ახლობლები და მხარდამჭერები იყვნენ შეკრებილი.

როგორც ჟურნალისტებს სპორტსმენების ადვოკატმა ზურაბ ბელთაძემ განუცხადა, საქმე არ გადაკვალიფიცირებულა და გამოძიება კვლავ ცემის მუხლით მიმდინარეობს. მისივე თქმით, გამოძიების ინტერესებიდან გამომდინარე, სხვა დეტალებზე ვერ ისაუბრებს.

გამოკითხვაზე შესვლამდე ინციდენტის მონაწილეებმა განაცხადეს, რომ ისინი კორცხელში საკუთარი სურვილით ჩავიდნენ და დაპირისპირება „ნაციონალური მოძრაობის“ ლიდერების პროვოკაციას მოჰყვა. მათივე განცხადებით, ისინი შსს-ში საკუთარი ნებით მივიდნენ და მზად არიან, გამოძიებასთან ითანამშრომლონ.

ცნობისთვის, შს მინისტრმა, გიორგი მღებრიშვილმა გუშინ მხარეებს გამოძიებასთან თანამშრომლობისკენ მოუწოდა.

„ვგმობ და ვემიჯნები ყოველგვარ ძალადობას. მიუღებელია, ვისი მხრიდანაც არ უნდა იყოს, არ უნდა მოდიოდეს ეს. ჩემთვის გამოძიება ემოციებზე ვერ იქნება აწყობილი. არსებობს შესაბამისი სამართლებრივი პროცედურები, რომელიც დაცული უნდა იყოს. მიმდინარეობს ინტესნიური გამოძიება, დაიკითხა მოწმეები, დანიშნულია ექსპერტიზა. მოვუწოდებ ინციდენტში მონაწილე მხარეებს, ნუ შემოიფარგლებიან მხოლოდ სატელევიზიო განცხადებებით და ითანამშრომლონ გამოძიებასთან, რათა ფაქტის სამართებრივი შეფასება დროულად მოხდეს. უახლოეს დღეებში თუ არა საათებში, მივამართავ სასამართლოს, გასცეს განჩინება იმ პირების დასაკავებლად. რომლებიც იდენტიფიცირებულები არიან. დაველოდოთ გამოძიების დასრულებას“, - განაცხადა გიორგი მღებრიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“