პრემიერი: დარწმუნებით ვამბობთ, რომ ლარის კურსის გამყარების ტენდენცია გაგრძელდება

2016-05-20 18:19:14, 936 ნახვა

ეკონომიკა

ლარის გამყარების ტენდენცია მისასალმებელია, - ამის შესახებ საქართველოს პრემიერ-მინისტრმა გიორგი კვირიკაშვილმა ჟურნალისტებს განუცხადა.

პრემიერის თქმით, ეკონომიკაში არსებული ტენდენციებიდან გამომდინარე ლარის კურსი გამყარებას განაგრძობს.

„დარწმუნებით ვამბობთ, რომ ეს ტენდენცია გაგრძელდება. მოგეხსენებათ, რომ მონეტარული პოლიტიკა საქართველოს ეროვნული ბანკის (სებ) კომპეტენციაშია, სებ-ი დამოუკიდებელია, რამდენადაც ვიცი დოლარების გარკვეული მასა უკანასკნელ აუქციონზე შეისყიდეს, რაც გონივრული გადაწყვეტილება იყო“, - განაცხადა გიორგი კვირიკაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან