„მიმდინარე წლის თებერვალ-მარტიდან მნიშვნელოვნად გაუმჯობესდა მაკროეკონომიკური ინდიკატორები,  მარტის თვეში მშპ-ის ზრდის მაჩვენებელმა 3,4 % შეადგინა“ - ამის შესახებ საქართველოს ვიცე-პრემიერმა, ეკონომიკისა და მდგრადი განვითარების მინისტრმა, დიმიტრი ქუმსიშვილმა ჟურნალისტებს განუცხადა.

„გადაჭარბებული ნეგატიური მოლოდინები, რომელიც ბაზარს ჰქონდა, მთავრობის სწორი პოლიტიკის გამო, შემოტრიალდა. ჩვენ ვხედავთ ახალ სამუშაო ადგილებს, ჩვენ ვხედავთ რეალურ ზრდას ეკონომიკაში, რაც თითოეული ჩვენგანის ოჯახზე აისახება და ის წლიური პროგნოზი, რომელიც გვაქვს, აუცილებლად მიღწეული იქნება წელს. მართალია, ჯერ ადრეა ამაზე კომენტარის გაკეთება, მაგრამ აპრილშიც ეკონომიკური ზრდა მნიშვნელოვანი იქნება და შემდგომ თვეებშიც მოლოდინი კარგი გვაქვს“ - აღნიშნა ვიცე-პრემიერმა. 

დიმიტრი ქუმსიშვილის თქმით, პოზიტიური დინამიკაა სხვა მაკროეკონომიკურ მაჩვენებლებშიც: მარტის თვიდან ეროვნული ვალუტის კურსი დაახლოებით 11 პროცენტით გამყარდა; ეკონომიკაში ნეგატიური მოლოდინების მინიმიზაციის შედეგად შემცირებულია ინფლაციის მაჩვენებელი, რომელიც ისედაც მიზნობრივი მაჩვენებლის ფარგლებში იყო; ასევე მნიშვნელოვნად შემცირდა საპროცენტო განაკვეთები სახაზინო ფასიან ქაღალდებზე, რაც ეკონომიკაში გრძელვადიანი ნდობის აღდგენაზე მიუთითებს.
მიმდინარე წლის  თებერვალ-მარტში  გვაქვს ექსპორტის რეალური ზრდა. ტურიზმის ზრდის მაჩვენებელი  16%-ია. გაზრდილია სხვადასხვა ქვეყნებიდან ფულადი გზავნილების მოცულობაც. მოსალოდნელია, რომ  ეკონომიკის ზრდის ტემპები შემდეგ თვეებში უფრო მაღალი იქნება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა