ფინანსთა ყოფილი მინისტრი, დიმიტრი გვინდაძე EBRD-ის მოლდოვას ოფისის ხელმძღვანელად დაინიშნა. „ევროპის რეკონსტრუქციისა და განვითარების ბანკის" მიერ გავრცელებული ოფიციალური ინფორმაციით გვინდაძე მოვალეობის შესრულებას 2 მაისიდან დაიწყებს. ის ამ პოზიციაზე ჯულია ოტოს შეცვლის, რომელიც 2011 წლიდან წარმომადგენლობის ხელმძღვანელი იყო. 

დიმიტრი გვინდაძე ყურადღებას იმაზე გაამახვილებს,  რომ მოლდოვაში შეიქმნას გარემო, რომელიც მხარს კერძო სექტორის გააქტიურებას დაუჭერს, სხვადასხვა სექტორებში ევროპულ სტანდარტებს დანერგავს. 
EBRD–ი მოლდოვაში უმსხვილესი ინვესტორია, 1.1 მილიარდი ევროს ინვესტიციით, რომელიც ბანკმა 114 პროექტში – აგრობიზნესში, ენერგეტიკაში, ფინანსურ სექტორში, ინფრასტრუქტურასა და წარმოებაში განახორციელა.

დიმიტრი გვინდაძემ თანამდებობაზე დანიშვნისას განაცხადა, რომ მოლდოვა შესაძლოა რთულ პერიოდს გადის, არსებობს გამოწვევები თუმცა EBRD–ი ქვეყნის მთავარი პარტნიორია განვითარების კუთხით. 

„ჩემი ახალი პოზიციით მე მაქვს მიზანი შევქმნა უკეთესი ბიზნეს გარემო, ვიმუშაო სტრატეგიულად მნიშვნელოვან ინფრასტრუქტურულ პროექტებზე, მხარი დავუჭირო ადგილობრივ და უცხოელ ინვესტორებს და გავაძლიერო ჩვენი პოლიტიკა", – აცხადებს გვინდაძე.

დიმიტრი გვინდაძეს 2014 წლიდან ამ დრომდე აღმოსავლეთ ევროპისა და კავკასიის რეგიონში EBRD–ის წამყვანი ეკონომისტის პოზიცია ეკავა.

ცნობისთვის, 2011–2012 წლებში გიორგი გვინდაძე საქართველოს ფინანსთა მინისტრის იყო. ამ თანამდებობის დაკავებამდე კი, 6 წლის განმავლობაში ფინანსთა მინისტრის მოადგილედ მუშაობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა