"ფულის და ვერცხლის თაყვანისცემით ივანიშვილის გარშემო შექმნილი მმართველი კოალიცია დაიშალა, ხოლო ხელისუფლება ჩამოიშალა“, - ასე გამოეხმაურა „რესპუბლიკელების“ გუშინდელ გადაწყვეტილებას „ლეიბორისტების“ ლიდერი შალვა ნათელაშვილი.

შალვა ნათელაშვილის განცხადებით, საქართველოში იწყება ახალი პოლიტიკური პროცესი და ლოგიკურია ის, რაც მოხდა მმართველ კოალიციაში.

"ფულის და ვერცხლის თაყვანისცემით ივანიშვილის გარშემო შექმნილი მმართველი კოალიცია დაიშალა, ხოლო ხელისუფლება ჩამოიშალა. საქართველოში იწყება ახალი პოლიტიკურ-დემოკრატიული პროცესი, რის შემდეგაც ჩვენ არასდროს არ უნდა ავირჩიოთ ფულის და ანგარებაზე მორბენალი პარტიები, რომლებიც შეფარებული იქნებიან სხვადახვა ბლოკებსა და ალიანსებში", - განაცხადა შალვა ნათელაშვილმა.

„ლეიბორისტების“ ლიდერის განცხადებით, საჭიროა ქვეყანაში პარტიული სისტემების მშენებლობა, სადაც ყველა პარტია ხალხის წინაშე საკუთარი იდეითა და პლატფორმით წარსდგება.

ცნობისთვის, გუშინ „რესპუბლიკური პარტიის“ თავმჯდომარემ ხათუნა სამნიძემ განაცხადა „რესპუბლიკელები“ არჩევნებში მონაწილეობას დამოუკიდებლად მიიღებენ, თუმცა კოალიციას დაუყოვნებლივ არ დატოვებენ და თანამდებობებზე რჩებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო

თიბისი კონცეპტი წარმოგიდგენთ თბილისის საერთაშორისო თეატრალურ ფესტივალს

კალაძე: ორი წლის წინ რეაბილიტირებულ მეტროსადგურ „ავლაბარში“ წყალი ისე ჩადიოდა, როგორც გარეთ, შეისწავლეთ საკითხი

Washington Post: აშშ-ს ყოფილი მოკავშირე საქართველო ირანის ორბიტაზე ექცევა