უკრაინის საგარეო საქმეთა სამინისტრომ ორბანის პარტიის არჩევნებში დამარცხების შემდეგ უნგრეთში მოგზაურობის შესახებ გაფრთხილება გააუქმა.

უკრაინის საგარეო საქმეთა მინისტრმა ანდრეი სიბიჰამ ასევე იმედი გამოთქვა, რომ კიევი და ბუდაპეშტი ურთიერთობების ნორმალიზებას შეძლებენ.

„წინ გველოდება შრომატევადი, პრაგმატული და მშვიდი მუშაობა საერთო ენის მოსაძებნად, საერთო პატივისცემის აღსადგენად და საერთო პრაგმატული ინტერესების რეალიზებისთვის“, - დასძინა მან.

უკრაინის საგარეო საქმეთა სამინისტრომ მოქალაქეებს ურჩია, თავი შეიკავონ უნგრეთში მოგზაურობისგან მარტის დასაწყისში, მას შემდეგ, რაც ბუდაპეშტში უკრაინელი ინკასატორები დააკავეს.

უკრაინა ვიქტორ ორბანის საარჩევნო კამპანიაში ცენტრალური საკითხი იყო და ვოლოდიმირ ზელენსკი ხშირად ფიგურირებდა მისი „ფიდესის“ პარტიის პლაკატებზე.

კვირას საღამოს, ორბანმა აღიარა არჩევნებში დამარცხება და გამარჯვებულს, პეტერ მადიარის „ტიზას“ პარტიას, მიულოცა.

უკრაინის პრეზიდენტმა ვოლოდიმირ ზელენსკიმაც მიულოცა მადიარს.

„უკრაინა ყოველთვის ისწრაფოდა კეთილმეზობლური ურთიერთობებისკენ ევროპაში ყველასთან და ჩვენ მზად ვართ განვავითაროთ თანამშრომლობა უნგრეთთან“, - დაწერა მან სოციალურ მედიაში.

ავტორი: ექსპრესნიუსი,

სოციალური ქსელები

რუსეთში იპოთეკური სესხები 50%-ზე მეტით შემცირდა

რუსეთის მიერ აღიარებულმა თალიბანმა ავღანეთში ბავშვთა ქორწინება დააკანონა

ოცნებამ საპატრიარქოსთვის სარეზერვო ფონდიდან 5 მილიონ 300 ათასი ლარი გამოყო

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა