1-ელი მაისიდან სილქნეტის ულიმიტო ინტერნეტ პაკეტები ძვირდება. ამის შესახებ ინფორმაციას თავად კომპანია ავრცელებს.

• 5-დღიანი ულიმიტო ინტერნეტი 8 ლარი გახდება (ძველი ფასი 7 ლარი)
• 7-დღიანი ულიმიტო ინტერნეტი 10 ლარი გახდება (ძველი ფასი 9 ლარი)
• 15-დღიანი ულიმიტო ინტერნეტი 20 ლარი გახდება (ძველი ფასი 18 ლარი)
• 30-დღიანი ულიმიტო ინტერნეტი 35 ლარი გახდება (ძველი ფასი 32 ლარი)

რაც შეეხება სტანდარტულ პაკეტებს, იქ ინტერნეტის მოცულობა გაიზრდება, ფასები კი უცვლელი დარჩება.

გარდა ამისა, გაძვირდება სილქნეტის ოპტიკური ინტერნეტიც, თუმცა მოიმატებს სიჩქარე - კომპანიის განცხადებით, გამონაკლისი შეეხება სოციალურ დაუცველ პირებს, მრავალშვილიანი სტატუსის მქონე ოჯახებსა და 18 წლამდე შშმ პირებს.

საქართველოში ინტერნეტის ფასები მსოფლიო და ევროპულ საშუალო მაჩვენებლებთან შედარებით არაერთგვაროვანია: მობილური ინტერნეტი შედარებით იაფი და სწრაფია, ხოლო მაღალსიჩქარიანი ფიქსირებული ინტერნეტი — საგრძნობლად ძვირი.

ფიქსირებული ინტერნეტის შედარება

საქართველოში ფიქსირებული ინტერნეტის ფასი, განსაკუთრებით მაღალ სიჩქარეებზე, ევროპულ საშუალოზე მაღალია:

100 მბ/წმ სიჩქარე: საქართველოში ამ სიჩქარის ინტერნეტი 136%-ით უფრო ძვირია, ვიდრე ევროპის 24 ქვეყნის საშუალო მაჩვენებელი.

• იურიდიული პირები: ბიზნესისთვის ინტერნეტის ტარიფები ევროპულ საშუალოზე თითქმის 3-ჯერ ძვირია.
• დაბალი სიჩქარეები: შედარებით დაბალი სიჩქარის პაკეტები (მაგ. 25 მბ/წმ) საქართველოში ევროპულ საშუალოზე 24-43%-ით იაფია.
• მეზობელი ქვეყნები (60 მბ/წმ):
  • საქართველო: ~48.77 ლარი.
  • აზერბაიჯანი: ~40.88 ლარი.
  • თურქეთი: ~26.03 ლარი.
  • რუსეთი: ~16.67 ლარი. 

ავტორი: ექსპრესნიუსი,

სოციალური ქსელები

რუსეთში იპოთეკური სესხები 50%-ზე მეტით შემცირდა

რუსეთის მიერ აღიარებულმა თალიბანმა ავღანეთში ბავშვთა ქორწინება დააკანონა

ოცნებამ საპატრიარქოსთვის სარეზერვო ფონდიდან 5 მილიონ 300 ათასი ლარი გამოყო

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა