მოსახლეობის გამოკითხვა ჯანდაცვის სფეროში მათი საჭიროებების გამოვლენის მიზნით კვლავ გრძელდება. “რა გაწუხებთ?” ჯანდაცვის სამინისტროსა და გლობალური ალიანსის ერთობლივი ინიციატივაა. 16 000 ადამიანზე მეტი ჯანდაცვის რეგიონულ ცენტრებში უკვე გამოიკითხა. თუმცა კითხვარების შევსება ვებგვერდზე www.1505.ge კვლავ შესაძლებელია. კვლევის შუალედურმა შედეგებმა აჩვენა, რომ მოსახლეობა ერთ-ერთ პრიორიტეტულ საკითხად პირველად ჯანდაცვას ასახელებს. ასევე სახელდება ხარისხიან სამედიცინო სერვისებზე და მედიკამენტებზე ხელმისაწვდომობის პრობლემა.

დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე  პირველადი ჯანდაცვის რგოლის მნიშვნელობაზე ამახვილებს ყურადღებას.

“ძალიან მნიშვნელოვანია პირველადი ჯანდაცვის რგოლის განვითარება, რადგან იმ ქვეყნებში, სადაც ჯანდაცვის სისტემები არის კარგად განვითარებული, პირველადი ჯანდაცვა უზრუნველყოფს ჯანმრთელობის პრობლემების მოგვარების 70-80 პროცენტს.  ეს გახლავთ ყველაზე უფრო ხარჯთეფექტური რგოლი ჯანდაცვის სისტემაში.”

ამირან გამყრელიძემ ისაუბრა ასევე ჯანდაცვის პირველადი რგოლის საშუალებით სამედიცინო მომსახურების ხელმისაწვდომობის გაზრდაზე.

“თავისთავად, პირველადი ჯანდაცვის კარგი  სისტემა უზრუნველყოფს მოსახლეობისთვის როგორც კარგ ტერიტორიულ, ისე ფინანსურ ხელმისაწვდომობას. ადამიანები უფრო კმაყოფილები არიან სამედიცინო მომსახურებით, მათ ეძლევათ მაღალი ხარისხის სამედიცინო მომსახურება და მათი ავადმყოფობის მართვა უფრო მაღალ დონეზე მიმდინარეობს,”-ამბობს ამირან გამყრელიძე.

ავტორი: მარიანა ქევხიშვილი

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში დიდი საპროტესტო მსვლელობა მიმდინარეობს

სებ: ბრიტანეთის სანქციებში მითითებული სუბიექტები ეროვნული ბანკის მიერ რეგულირებული არ არიან

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით