"ერთიანობა - ნაციონალური მოძრაობის" ერთ-ერთი ლიდერის, თინა ბოკუჩავას განცხადებით, ივანიშვილი ვიქტორ ორბანის გამოყენებით კონსესუსზე დაფუძნებული გადაწყვეტილების მიღების წესს ბლოკავს, რათა თავიდან აირიდოს პერსონალური სანქციები. 

მისი თქმით, ორბანი ხშირ შემთხვევაში პუტინის მხარეს ირჩევს, მათ შორის უკრაინის საკითხთან მიმართებაშიც და როდესაც ტრამპის ჩართულობით, საბოლოო სამშვიდობო შეთანხმება შედგება ორბანსაც მოუწევს თავის პოზიციის ცვლილება. 

რაც შეეხება ევროპის კონტინენტზე პოლიტიკის განსაზღვრას, ხშირ შემთხვევაში ის [ვიქტორ ორბანი] სწორედ პუტინის მხარეს ირჩევს, ევროპული პოლიტიკის ნაცვლად და ეს ჩვენ ყველაზე ცხადად ვიხილეთ, მათ შორის უკრაინის საკითხთან მიმართებაში. 

რა თქმა უნდა პრეზიდენტ ტრამპის ჩართულობით, როდესაც მოხდება საბოლოო სამშვიდობო შეთანხმება ვიქტორ ორბანსაც მოუწევს თავის პოზიციის ცვლილება, მაგრამ ამ დრომდე, ჩვენ დავინახეთ, რომ ის სწორედ პუტინის ინტერესებს ატარებდა.

სამწუხაროდ და ასე ხდება, რაც ჩვენთვის ყველაზე მტკივნეული და მნიშვნელოვანია ამ შემთხვევაში, ივანიშვილთან მიმართებაში იმიტომ, რომ ამაზე ღიად საუბრობენ ევროპელი ლიდერები პირისპირ საუბრებში და საჯაროდ, რომ სწორედ ვიქტორ ორბანის გამოყენებით ივანიშვილი ბლოკავს კონსესუსზე დაფუძნებული გადაწყვეტილების მიღების წესს იმისთვის, რომ მან თავიდან აირიდოს პერსონალური სანქციები და საქართველოს მილიონობით მოქალაქე დააყენოს უვიზო მიმოსვლის დაკარგვის საფრთხის წინაშე," - განაცხადა თინა ბოკუჩავამ. 

ავტორი: ექსპრესნიუსი,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“