„ლელო - ძლიერი საქართველოს“ ერთ-ერთი ლიდერი, ალეკო ელისაშვილი, მოსამართლე, ლელა მილდერბერგერმა, საკუთარი სასამართლო პროცესიდან გამოაძევა და სასამართლოს უპატივცემლობის გამო 500 ლარით დააჯარიმა.

როგორც ალეკო ელისაშვილმა აღნიშნა, მან მოსამართლის მისამართით რამდენიმე ფრაზა თქვა, რის გამოც ლელა მილდერბერგერმა პროცესიდან მისი გამოძევებისა და დაჯარიმების გადაწყვეტილება მიიღო.

„მოსამართლე ლელა მილდენბერგერმა ჩემს ადვოკატს არცერთი შუამდგომლობა არ დაუკმაყოფილა. ვუთხარი ლაშა ტალახაძე მიჩივის და მოვიყვანოთ-თქო, მიპასუხა: - არაო. ამდენი დრო არ მაქვსო, ამ მილდერბერგერმა. კი, ხალხი გყავს „პაჩკა- პაჩკა“ დასაჭერი-მეთქი ვუთხარი და ამის გამო გამომაგდეს. კიდევ ერთი ფრაზაც მივამატე და დამაჯარიმეს კიდეც“,- განაცხადა ალეკო ელისაშვილმა.

ცნობისთვის, პოლიტიკოსებსა და აქტივისტებს შს სამინისტრო ადმინისტრაციულ სამართალდარღვევათა კოდექსის 173-16 პრიმა მუხლის დარღვევას ედავება, რომელიც პოლიტიკური თანამდებობის პირის შეურაცხყოფას გულისხმობს. მუხლი სასჯელის სახედ 1500 ლარიდან - 4000 ლარამდე ჯარიმას, ან ადმინისტრაციული პატიმრობას 45 დღემდე ვადით ითვალისწინებს.

შსს სამართალდარღვევას ედავება ჟურნალისტებს - ნანუკა ჟორჟოლიანს, ვახო სანაიას, ვიკა ბუკიას, დეა მამისეიშვილს, ეკა მიშველაძეს, მიშა მშვილდაძეს.

პოლიტიკოსებს - თამარ ჩერგოლეიშვილს, ლევან ხაბეიშვილს, ელენე ხოშტარიას, ალეკო ელისაშვილს.

აქტივისტებს - ანა სუბელიანს, ბაია პატარაიას, დავით ქაცარავას, გიორგი ქადაგიძეს, ქეთი მოლაშვილს.

ავტორი: ექსპრესნიუსი,

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს