საფრანგეთის ქალაქ რეიმსში ელექტრო სკუტერის მიერ გაჩენილ ხანძარს ოთხი ადამიანი ემსხვერპლა. ინფორმაციას ამის შესახებ ფრანგული მედია ავრცელებს.

მედიის ცნობით, ხანძარი ათსართულიანი შენობის მეოთხე სართულზე მდებარე ბინაში გაჩნდა. ბინაში 34 წლის მამაკაცი და ორი 13 და 15 წლის მოზარდი ცხოვრობდნენ. უმცროსი ბიჭი ხანძრისგან თავის დასაღწევად მეოთხე სართულის ფანჯრიდან გადახტომის შემდეგ გარდაიცვალა. ბინაში ნაპოვნი დამწვარი ცხედარი, სავარაუდოდ, მისი უფროსი ძმისაა, ხოლო მათი მამინაცვალი, რომელმაც სერიოზული დამწვრობა მიიღო, გადარჩა.

ხანძრის კიდევ ორი მსხვერპლია 87 წლის ქალი და მისი 59 წლის ვაჟი, რომლებიც ზედა სართულებზე ცხოვრობდნენ და ასფიქსიით გარდაიცვალნენ. კიდევ ერთი ადამიანი მძიმედ დაშავდა, რომელიც დამწვარი და მოწამლული იპოვეს, ხოლო 26 ადამიანს მსუბუქი დაზიანებები აღენიშნებოდა, ძირითადად კვამლის გამო.

გავრცელებული ცნობით, ხანძარი, რომელიც შუაღამის შემდეგ გაჩნდა, „უკიდურესად ძლიერი“ იყო და მისი ჩაქრობა დაახლოებით დილის 3:45 საათამდე ვერ მოხერხდა. რეიმსის პროკურორმა ფრანსუა შნაიდერმა განაცხადა, რომ ამ ტიპის ელემენტებით გამოწვეული ხანძრის ჩაქრობა უკიდურესად რთულია, რადგან ელემენტები წვის დროს თვითშენარჩუნებისკენ არიან მიდრეკილნი.

ავტორი: ექსპრესნიუსი,

სოციალური ქსელები

სოფელ წინაკვერკვეში მეწყრული პროცესები ვითარდება

ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება