მიუხედავად მსოფლიოში არსებული საკმაოდ მძიმე მდგომარეობისა, საქართველო კვლავ ჩვენი მეგობრების ყურადღების ცენტრში რჩება, როგორც ამერიკის შეერთებული შტატების, ისე ევროკავშირის მხრიდან - „MEGOBARI აქტი“ არის მხარდაჭერა ქართველი ხალხის, - ამის შესახებ „ერთიანობა - ნაციონალური მოძრაობის” პოლიტიკურმა მდივანმა, გიორგი ბარამიძემ განაცხადა.

მისივე თქმით, საქართველოს პარტნიორი ქვეყნები საქართველოს არ ივიწყებენ და ისინი ქართული საზოგადოების აბსოლუტური უმრავლესობის გვერდით დგანან.

„MEGOBARI აქტი“ უმნიშვნელოვანესი დოკუმენტია, რომლის მიღება სამწუხაროდ, ჩვენი პარტნიორებისთვის საჭირო გახდა, რათა პრორუსი, პროჩინური და პროირანული მოღალატეობრივი რეჟიმისთვის ძალიან მკაფიო სიგნალი გამოეგზავნათ. არანაირი [ურთიერთობის] გადატვირთვა ამ კრიმინალურ რეჟიმთან არ მოხდება. ურთიერთობები მაშინ აღდგება, როცა ეს მაფიოზური ბანდა ხელისუფლებაში აღარ იქნება… ბიძინა ივანიშვილის ბანდამ საქართველოს კონსტიტუცია უხეშად დაარღვია…ყველა კარგად ხედავს, როგორი დიქტატურული რეჟიმი საქართველოში ჩამოყალიბდა, როგორ ირღვევა ადამიანის უფლებები. ბუნებრივია, საქართველოში არსებულ ვითარებას ცივილიზირებული სამყარო არ მოითმენს.

ქართველი ხალხის ბრძოლა გაგრძელდება. მათ შორის, „MEGOBARI აქტი“ არის მხარდაჭერა ქართველი ხალხის. ჩვენი საზოგადოების აბსოლუტური უმრავლესობის მიმართ მხარდაჭერა, ვისაც უნდა საქართველოს ცივილიზირებული, დემოკრატიული განვითარება.

მიუხედავად, მსოფლიოში არსებული საკმაოდ მძიმე მდგომარეობისა, ვგულისხმობ მსოფლიოში მიმდინარე ომებს, საქართველო კვლავ ჩვენი მეგობრების ყურადღების ცენტრში რჩება, როგორც ამერიკის შეერთებული შტატების, ისე ევროკავშირის მხრიდან. ისინი საქართველოს არ ივიწყებენ, ისინი ქართული საზოგადოების აბსოლუტურ უმრავლესობას არ ტოვებენ და ამ მძიმე ჟამს ჩვენს ხალხს გვერდით უდგანან”, - განაცხადა ბარამიძემ.

ავტორი: ექსპრესნიუსი,

სოციალური ქსელები

ერდოღანი - ვულოცავთ ქართველ ხალხს, მეზობელი და მეგობარი საქართველოს დამოუკიდებლობის დღეს

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ