ერთიანი ნაციონალური მოძრაობის თავმჯდომარის, თინა ბოკუჩავას განცხადებით, ოპოზიციურ პარტიებს შორის ერთიანობის იდეის განუხორციელებლობის გამო ოპოზიცია და ქვეყანა ზიანდება.

ამის შესახებ ბოკუჩავა ტელეკომპანია ფორმულას ეთერში ისაუბრა. მან თქვა, რომ სალომე ზურაბიშვილის ფორმატმა "ვერ გამოიყენა ის უნიკალური შესაძლებლობა, რომელიც ჰქონდა, იმისთვის რომ ოპოზიციის სრული კონსოლიდაცია მომხდარიყო."

"ახლა არსებობს სხვა ფორმატები, იქნება ეს პაატა ბურჭულაძის ძალისხმევით, იქნება ეს ჩვენი, საერთაშორისო საკითხების ირგვლივ საკოორდინაციო ჯგუფები, მაგრამ მაინც რა თქმა უნდა, უმჯობესი იქნებოდა, რომ ჩვენ ეს მოლოდინი გაგვემართლებინა, რომელიც არსებობს ქვეყნის ფარგლებს გარეთ, ისევე როგორც შიგნით.

მაგრამ ეს არის მოცემულობა, რომელსაც თვალი უნდა გავუსწოროთ. ჩვენ ყველაზე ნაკლებად გვაქვს პოზიციონირების და იდენტობის პრობლემა, იმიტომ რომ ჩვენი საერთაშორისო მეგობრები ძალიან დიდი ხანია გვიცნობენ - ევროპის კონტექსტში, როგორც ევროპის სახალხო პარტიის წევრი 2008 წლიდან, აშშ-თან ასევე გვაქვს ძალიან სერიოზული კავშირები, მაგრამ იმიტომ, რომ სხვა ოპოზიციური პარტიებს თუ ლიდერებს მაინც ერთიანობის იდეის, როგორც ჩანს სამწუხაროდ არ სწამთ, ამით რა თქმა უნდა, გარკვეულწილად ყველა ვზიანდებით და ასევე, გარკვეულწილად, ზიანდება ქვეყანა." - თქვა ბოკუჩავამ.

წამყვანის კითხვას, "მოელიან თუ არა საერთაშორისო პარტნიორები მეტ ერთობას", ენმ-ს თავმჯდომარემ უპასუხა, რომ ეს მოლოდინი არსებობს.

"ნამდვილად. ეს დასამალი არ არის და ნებისმიერი ოპოზიციური ლიდერი, რომელიც ამას თვალს არ გაუსწორებს ან არ აღიარებს საჯაროდ ეთერში, არ იქნება გულწრფელი. დასვით კითხვა და გულწრფელად გიპასუხეთ, ვალდებული ვარ, მე ამაზე აქცენტირებას შეგნებულად არ ვაკეთებ ხოლმე, იმიტომ რომ არ მინდა ჩემი საეთერო დრო ოპოზიციის კრიტიკისთვის გამოვიყენო, მაგრამ რეალობა ასეთია, რომ კონსოლიდაციის, ერთიანობის შემთხვევაში ჩვენ გაცილებით უფრო ეფექტიანები ვიქნებით იმ ჩვენი დიდი, საერთო ეროვნული მიზნის მიღწევაში, რომლისთვისაც ხალხი ქუჩაში დგას და უსამართლოდ სასჯელს იხდის."

ავტორი: ექსპრესნიუსი,

სოციალური ქსელები

ერდოღანი - ვულოცავთ ქართველ ხალხს, მეზობელი და მეგობარი საქართველოს დამოუკიდებლობის დღეს

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ