რუსეთის საგარეო საქმეთა მინისტრის მოადგილე გრიგორი კარასინი და საქართველოს პრემიერ-მინისტრის სპეციალური წარმომადგენელი რუსეთთან ურთიერთობების საკითხებში ზურაბ აბაშიძე ერთმანეთს თებერვლის ბოლოს, პრაღაში შეხვდებიან.

ამის შესახებ ინფორმაციას რუსეთის ფედერაციის საგარეო საქმეთა სამინისტრო ავრცელებს.

უწყების ოფიციელურ ვებ-გვერდზე გამოქვეყნებული ინფორმაციის მიხედვით, 16 თებერვალს კარასინსა და აბაშიძეს შორის სატელეფონო საუბარი შედგა, რომლის დროსაც მხარეებმა შეხვედრის დეტალები და რუსეთ-საქართველოს ურთიერთობის პრაქტიკული საკითხები განიხილეს.

შეგახსენებთ, რომ გრიგორი კარასინის და ზურაბ აბაშიძის პირველი შეხვედრა 2012 წლის დეკემბერს ჟენევის მოლაპარაკებების ფორმატში შედგა. 2013-2014 წლებში პრაღაში მხარეები 7-ჯერ შეხვდნენ, სადაც ორი ქვეყნის ეკონომიკური-კულტურული ურთიერთობის საკითხები განიხილეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტური ეთიკის ქარტია რეჟიმს - შეწყდეს რეპრესიები, სოლიდარობა დამოუკიდებელ მედიას

დიუშენით დაავადებული ბავშვების დასახმარებელ მარათონში კომპანიები ჩაერთნენ

რუბიომ განაცხადა, რომ აშშ-ს, უკრაინასა და რუსეთს შორის მოლაპარაკებები ჩიხში შევიდა

რუსეთში იპოთეკური სესხები 50%-ზე მეტით შემცირდა