პორტუგალიის ელექტროენერგიის გამანაწილებელი კომპანია REN აცხადებს, რომ ესპანეთში, პორტუგალიასა და საფრანგეთში ელექტროენერგიის მასშტაბური გათიშვა "იშვიათ ატმოსფერულ ფენომენს" უკავშირდება, რამაც ესპანეთის ელექტროქსელში ხარვეზი გამოიწვია. 

"ესპანეთში ტემპერატურის უკიდურესი ცვალებადობის გამო, ძალიან მაღალი ძაბვის ხაზებში (400 კვ) მოხდა ანომალიური რხევები - ფენომენი, რომელიც ცნობილია როგორც 'ინდუცირებული ატმოსფერული ვიბრაცია'.

ამ რხევებმა ელექტრულ სისტემებს შორის სინქრონიზაციის დაკარგვა გამოიწვია, რაც ურთიერთდაკავშირებული ევროპულ ქსელში ხარვეზებში გამოვლინდა". - ნათქვამია კომპანიის განცხადებაში. 

ესპანეთი პორტუგალიური კომპანიის ვარაუდს ჯერჯერობით არ გამოხმაურებია. 

ცნობისთვის, დღეს, 28 აპრილს ესპანეთის, პორტუგალიისა და საფრანგეთის ნაწილებში ელექტროენერგიის მასობრივი გათიშვა მოხდა, რამაც აეროპორტებისა და ტრანსპორტის შეფერხება გამოიწვია.

ესპანეთის ელექტროენერგიის ქსელის მმართველი კომპანია, Red Electrica აცხადებს, რომ ელექტრო ენერგიის აღდგენას შესაძლოა 10 საათი დასჭირდეს.

REN-ის ბოლო განცხადების მიხედვით კი, პორტუგალიაში ელექტროენერგიის მიწოდების სრულ აღდგენას შესაძლოა, 1 კვირამდე დროც კი დასჭირდეს. 

"ფენომენის კომპლექსურობისა და საერთაშორისო მასშტაბით ელექტროენერგიის მიწოდების ხელახლა დაბალანსების საჭიროებიდან გამომდინარე, სავარაუდოა, რომ ქსელის სრულ აღდგენას 1 კვირამდე დასჭირდეს". - ნათქვამია განცხადებაში. 

ავტორი: ექსპრესნიუსი,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“