„ვერავინ შეძლებს რუსეთის დაშინებას, შეჩერებასა და იზოლაციას.  ეს არასდროს არავის გამოუვიდა და არც გამოუვა“,-ამის შესახებ რუსეთის ფედერაციის პრეზიდენტმა ვლადიმერ პუტინმა უშიშროების სამსახურის თანამშრომლების დღისადმი მიძღვნილ საღამოზე განაცხადა.

მისი თქმით, რუსეთმა შესაბამისი პასუხი უნდა გასცეს  ყველა იმ მუქარას, რაც მათ სუვერენიტეტს, სტაბილურობასა და საზოგადოების უსაფრთხოებას საფრთხეს შეუქმნის.

„კეთდება ღია განცხადებები იმის თაობაზე, რომ რუსეთმა საფასური უნდა გადაიხადოს თავისი დამოუკიდებელი პოზიციისთვის, თანამემამულეების მხარდაჭერისთვის, ყირიმისთვის, სევასტოპოლისთვის, ხანდახან კი მგონი იმისთვისაც, რომ ვარსებობთ. აშკარაა, რომ ვერავინ შეძლებს რუსეთის დაშინებას, შეჩერებასა და იზოლაციას. ეს არასდროს არავის გამოუვიდა და არ გამოუვა. ამასთან ჩვენ გარკვეული სირთულეების გადასალახავად  მზად უნდა ვიყოთ და ყველა იმ მუქარას, რომელიც საფრთხეს შეუქმნის ჩვენს სუვერენიტეტს, ჩვენს სტაბილურობასა და საზოგადოებას, შესაბამისი პასუხი უნდა გავცეთ“,-განაცხადა ვლადიმერ პუტინმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში იპოთეკური სესხები 50%-ზე მეტით შემცირდა

რუსეთის მიერ აღიარებულმა თალიბანმა ავღანეთში ბავშვთა ქორწინება დააკანონა

ოცნებამ საპატრიარქოსთვის სარეზერვო ფონდიდან 5 მილიონ 300 ათასი ლარი გამოყო

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა