დიდი ბრიტანეთის პრემიერ-მინისტრმა, კირ სტარმერმა აშშ-ის პრეზიდენტთან, დონალდ ტრამპთან უკრაინის სამშვიდობო შეთანხმება განიხილა, რომელიც, მისი თქმით, იქნება „მკაცრი და სამართლიანი“. სტარმერის თქმით, დიდი ბრიტანეთი შეთანხმების მხარდასაჭერად მზადაა.

ამასთან, დიდი ბრიტანეთის პრემიერ-მინისტრმა მოუწოდა ტრამპს, არ მიიღოს ნებისმიერი სახის სამშვიდობო შეთანხმება, რომელიც „დააჯილდოებს“ რუსეთს ან მის მოკავშირეებს.

„ბატონო პრეზიდენტო, მივესალმები თქვენს ღრმა და პირად ვალდებულებას მშვიდობის დამყარებისა და მკვლელობის შეჩერებისკენ. მაგრამ ჩვენ ეს სწორად უნდა გავაკეთოთ. გაერთიანებულ სამეფოში არის ცნობილი ლოზუნგი მეორე მსოფლიო ომის შემდეგ – „ჩვენ უნდა მოვიგოთ მშვიდობა“, და ეს არის ის, რაც ჩვენ ახლა უნდა გავაკეთოთ, რადგან არ შეიძლება, იყოს მშვიდობა, რომელიც აჯილდოებს აგრესორს ან წაახალისებს სახიფათო რეჟიმებს, როგორიცაა ირანი. ფსონები არ შეიძლება იყოს უფრო მაღალი. ჩვენ გადაწყვეტილი გვაქვს, ვიმუშაოთ ერთად კარგი შეთანხმების მისაღწევად.

დღეს განვიხილეთ გეგმა, რათა მივაღწიოთ მშვიდობას, რომელიც არის მკაცრი და სამართლიანი, რომლის ჩამოყალიბებასაც უკრაინა ხელს შეუწყობს, რომელიც არ მისცემს საშუალებას პუტინს, დაბრუნდეს უფრო მეტისთვის. ჩვენ, დიდი ბრიტანეთი, მზად ვართ, მიწაზე ჯარები და ცაში თვითმფრინავები გავგზავნოთ შეთანხმების მხარდასაჭერად. მოკავშირეებთან ერთად მუშაობით, ყველაფერს გავაკეთებთ, რომ მხარი დავუჭიროთ შეთანხმებას, რადგან ეს არის ერთადერთი გზა, რომ მშვიდობა გაგრძელდეს“, – აღნიშნა სტარმერმა.

სტარმერმა განაცხადა, რომ მიმდინარე წელს დიდი ბრიტანეთი უკრაინას უფრო მეტ დახმარებას გაუწევს, ვიდრე აქამდე. ამასთან, სტარმერის თქმით, ტრამპი მართალია, როდესაც ამბობს, რომ ევროპამ უნდა „გაზარდოს“ თავდაცვის ხარჯები.

დონალდ ტრამპთან ერთობლივ პრესკონფერენციაზე სტარმერმა ასევე დაადასტურა, რომ დიდმა ბრიტანეთმა და აშშ-მა გადაწყვიტეს, „დაიწყონ მუშაობა ახალ ეკონომიკურ შეთანხმებაზე, მოწინავე ტექნოლოგიებით“.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი