ლიეტუვის საგარეო საქმეთა მინისტრის,  კესტუტის ბუდრისმა განაცხადებით, წარმოუდგენელია  აგრესორი, რომელსაც სისხლიანი ხელები აქვს, მიიწვიონ მაგიდასთან რაიმე საკითხის, რაიმე საერთო ინტერესის, მომავლის განსახილველად.

კითხვაზე, „შეგიძლიათ წარმოიდგინოთ სცენარი, სადაც ევროპელი ლიდერები ვლადიმერ პუტინს ხვდებიან ცეცხლის შეწყვეტის, ან ხანგრძლივი მშვიდობის შემთხვევაში“, ლიეტუვის საგარეო უწყების ხელმძღვანელმა უპასუხა :

„არ ვიცი, შესაძლოა ვინმემ მოისურვოს მოინახულოს ის ციხეში სასამართლო პროცესის შემდეგ. მე ამას არ ვიზამ. არ ვიცი, შესაძლოა, ევროპელი ლიდერებიდან მას ვინმე შეხვდეს, მაგრამ ვერ წარმოგვიდგენია, რომ აგრესორი, რომელსაც სისხლიანი ხელები აქვს, მიიწვიონ მაგიდასთან რაიმე საკითხის, რაიმე საერთო ინტერესის, მომავლის განსახილველად. ვერ წარმომიდგენია, ვინმემ განაცხადოს, რომ შეუძლია ენდოს, რასაც პუტინი ამბობს“, - აღნიშნა ლიეტუვის საგარეო უწყების ხელმძღვანელმა.

მისი თქმით, უკრაინაში ცეცხლის ხანმოკლე შეწყვეტა სახიფათოა და საჭიროა სამართლიანი და ხანგრძლივი მშვიდობა.

„ცეცხლის შეწყვეტა, რომელიც მხოლოდ ხანმოკლე პერიოდის განმავლობაში გრძელდება, სახიფათოა. ჩვენ გვჭირდება მშვიდობა, რომელიც იქნება სამართლიანი და ხანგრძლივი. ამის მისაღწევად, უნდა გავაგრძელოთ უკრაინის მხარდაჭერა და გავზარდოთ ზეწოლა რუსეთზე. სამშვიდობო შეთანხმება მკაფიოდ უნდა იცავდეს უკრაინის სუვერენიტეტსა და ტერიტორიულ მთლიანობას და უზრუნველყოს აგრესორის პასუხისმგებლობა“, - აღნიშნა კესტუტის ბუდრისმა.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე