გერმანიაში დღეს ვადამდელი საპარლამენტო არჩევნები გაიმართება. საარჩევნო უბნები ადგილობრივი დროით 08:00 საათზე (თბილისის დროით, 11:00 საათზე) გაიხსნება და 18:00 საათზე (თბილისის დროით, 21:00 საათზე) დაიხურება, ინფორმაციას BBC ავრცელებს.

გამოცემის ცნობით, საზოგადოებრივი აზრის გამოკითხვების მიხედვით, კონსერვატიული „ქრისტიან-დემოკრატიული კავშირი“ (CDU) 30%-იანი მხარდაჭერით ლიდერობს. თუ პარტია არჩევნებში გაიმარჯვებს, მისი ლიდერი, ფრიდრიხ მერცი, კანცლერი გახდება.

მეორე ადგილზეა ულტრამემარჯვენე პარტია „ალტერნატივა გერმანიისთვის“ (AFD), რომელსაც 20%-იანი მხარდაჭერა აქვს. მესამეზე კი, ამჟამინდელი კანცლერის, ოლაფ შოლცის პარტია, „გერმანიის სოციალ-დემოკრატიული პარტია“ იმყოფება.

თუ „ქრისტიან-დემოკრატები“ არჩევნებში გაიმარჯვებენ, მათ მთავრობის ფორმირებისთვის ალიანსის შექმნა სხვა პარტიასთან მოუწევთ.

აღსანიშნავია, რომ არჩევნებში მონაწილეობას დაახლოებით 59,2 მილიონი გერმანელი მიიღებს. ეგზიტპოლების შედეგები საარჩევნო უბნების დახურვისთანავე გახდება ცნობილი, ხოლო წინასწარი შედეგები მოგვიანებით გამოქვეყნდება.

საპარლამენტო არჩევნები გერმანიაში მას შემდეგ დაინიშნა, რაც გასული წლის ნოემბერში ოლაფ შოლცის 3-პარტიანი მმართველი კოალიცია დაიშალა.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე