2025-02-10 00:33:58, 595 ნახვა

---

ზურაბიშვილი ბალტიისპირეთის ქვეყნების გადაწყვეტილებაზე - მნიშვნელოვანი ნაბიჯი ენერგეტიკული დამოუკიდებლობისკენ

საქართველოს მეხუთე პრეზიდენტმა სალომე ზურაბიშვილმა ბალტიისპირეთის ქვეყნებს რუსეთის ელექტრო ქსელიდან გათიშვა მიულოცა,  მან ხაზგასმით აღნიშნა, რომ ეს მნიშვნელოვანი ნაბიჯია მოსკოვისგან ენერგეტიკული დამოუკიდებლობისკენ.

„გილოცავთ ლატვიას, ლიტვას, ესტონეთს! ეს არის მნიშვნელოვანი მომენტი, როდესაც თქვენ გათიშეთ რუსულ ელექტროენერგიას და გახდებით სრულად ინტეგრირებული ევროპულ ქსელში. მნიშვნელოვანი ნაბიჯი ნამდვილი ენერგეტიკული დამოუკიდებლობისა და უსაფრთხოებისკენ!“ – წერს საქართველოს მეხუთე პრეზიდენტი.

2025 წლის 8 თებერვალს ლატვია, ლიტვა და ესტონეთი გათიშულ იქნა რუსეთის ერთიანი ენერგეტიკული სისტემიდან (UES/UES). ამჟამად ბალტიისპირეთის ქვეყნების ენერგეტიკული სისტემები მუშაობს იზოლირებულ რეჟიმში, რის შემდეგაც მოხდება მათი სინქრონიზაცია კონტინენტური ევროპის ქსელთან. მათი გათიშვის გამო, კალინინგრადის რეგიონის ენერგეტიკული სისტემა გადავიდა ავტონომიურ მუშაობაზე.

9 თებერვალს ესტონეთი, ლატვია და ლიტვა შეუერთდნენ მსოფლიოს უდიდეს ელექტრო ქსელს, რომელიც ემსახურება 400 მილიონზე მეტ მომხმარებელს 26 ქვეყანაში, რაც გაზრდის ენერგეტიკულ უსაფრთხოებას რეგიონში.

ევროკავშირში რუსეთის მისიამ განაცხადა, რომ ბალტიისპირეთის ქვეყნების გათიშვა BRELL-ის (ბელორუსია-რუსეთი-ესტონეთი-ლატვია-ლიტვა) ელექტრო ქსელიდან არის „პოლიტიკურად მოტივირებული ნაბიჯი“, რომელიც გამოიწვევს რეგიონში ელექტროენერგიის ფასების ზრდას და ენერგოსისტემების სანდოობის შემცირებას.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი