უსუფაშვილი - ხიდაშელი ისეთ საკითხებზე ჩაერთო დებატებში, რომელიც მის კომპენტენციაშია, ყურძნის მოსავალზე არ უსაუბრია

2016-03-07 13:25:56, 415 ნახვა

პოლიტიკა

„მთავროვის სწორ ფუნქციონირებაზე პასუხისმგებელი პრემიერია და მინისტრები ვალდებული არიან, მიყვნენ მის მითითებებს და ხედვებს“, - ამის შესახებ ჟურნალისტებთან საუბრისას პარლამენტის თავმჯდომარემ დავით უსუფაშვილმა განაცხადა.

პარლამენტის თავმჯდომარის განმარტებით, თავდაცვის მინისტრი არ ჩართულა დებატებში ისეთ საკითხებთან დაკავშირებით, რომელიც მის კომპენტენციაში არ ყოფილა.

„გამიჭირდება თავდაცვის მინისტრის დაცვა. ამას არ გავაკეთებ. უბრალოდ მიგანიშნებთ იმ ფაქტზე, რომ თავდაცვის მინისტრი არ ჩართულა საჯარო დებატებში საკითხზე, რომელიც ეხებოდა ვთქვათ ყურძნის მოსავალს. თავდაცვის მინისტრი ჩართული აღმოჩნდა საჯარო დებატებში იმ საკითხზე, რომელიც უშუალოდ მის კომპეტენციაში და მის უწყებაში შემავალ საკითხებს უკავშირდებოდა. მთლად გვერდზე გასვლა ამ თემიდან შეუძლებელი იყო“, - განაცხადა დავით უსუფაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან