“უცხოური გავლენის გამჭვირვალობის შესახებ” კანონის საწინააღმდეგო აქციაზე დაკავებული გიორგი ოკმელაშვილის მიმართ ნარკოტიკული საშუალებების უკანონო შეძენა-შენახვა-ტარების ბრალდება შეწყდა. სასამართლოს დღევანდელ სხდომაზე, ოკმელაშვილის ადვოკატის მოთხოვნით, აღნიშნული ბრალდება ამნისტირებული მუხლის საფუძველზე გაუქმდა. პროკურატურამ აღნიშნულ შუამდგომლობას დაუჭირა მხარი, რაც სასამართლომაც დააკმაყოფილა.

ამჟამად ოკმელაშვილს ბრალდება მხოლოდ პოლიციელზე თავდასხმაა. გამოძიების ინფორმაციით, 13 მაისს, პარლამენტის მიმდებარე ტერიტორიაზე გამართულ აქციაზე, ოკმელაშვილმა შინაგან საქმეთა სამინისტროს თანამშრომელს, ალექსანდრე ოხანაშვილს, ფიზიკური შეურაცხყოფა მიაყენა, კერძოდ, სახის არეში იდაყვის დარტყმით დაზიანება.

სასამართლოს სხდომაზე ოკმელაშვილმა განაცხადა, რომ აქციის დროს ცდილობდა, დემონსტრანტები დაეცვა ფიზიკური ძალადობისგან, თუმცა აღნიშნა, რომ არ იცის, კონკრეტული პირი პოლიციელი იყო თუ მოძალადე. „ჩემი მიზანი იყო, დამეცვა სუსტი დემონსტრანტები“, – განაცხადა მან.

გიორგი ოკმელაშვილი სარეკლამო კომპანია “ლიმონის” დამფუძნებელია. მის წინააღმდეგ სისხლის სამართლის საქმე 353-ე პრიმა მუხლის პირველი ნაწილით მიმდინარეობს, რაც პოლიციელზე თავდასხმას გულისხმობს და 4-დან 7 წლამდე ვადით თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“