შშმ პირთა უფლებადამცველი და აქტივისტი გია ჯვარშეიშვილი თბილისში დაკავების შემდეგ ალადაშვილის კლინიკაში გადაიყვანეს

მისი ადვოკატის, ილონა დიასამიძის ინფორმაციით, საავადმყოფოში გადაყვანის გადაწყვეტილება სასწრაფო დახმარების ბრიგადამ მიიღო. როგორც თვითონ ამბობს, დაკავებისას მიაყენეს ფიზიკური დაზიანებები და სიტყვიერი შეურაცხყოფა და პოლიციის სიახლოვეს, მათ შორის კლინიკაში, თავს უსაფრთხოდ არ გრძნობს. გაეწია სამედიცინო მომსახურება, მათ შორის, გადაუღეს ტომოგრაფია და ელოდებიან პასუხებს.

ადვოკატის ცნობით, დაკავებულებს არ ხსნიან ხელბორკილებს. პოლიცია ამბობს, ექიმები თუ გვეტყვიან, მოვხსნითო, ექიმები ამას არ ამბობენ,

ამჟამად, მას მინიმუმ ოთხი ეკიპაჟი დარაჯობს. მასთან ახლოს ყოფნის საშუალებას, როგორც დაკავებულთან, არ აძლევენ არავის. ადვოკატმა მოითხოვა მის ხელწერილით გამოშვება, მაგრამ არ გაითვალისწინეს.

უკვე მეორედ დააკავეს შშმ პირთა უფლებადამცველი და აქტივისტი გია ჯვარშეიშვილი. ის თბილისში, რუსთაველის გამზირზე აიყვანეს, რესპუბლიკის მოედანთან ახლოს.

მუხლები, რომლის საფუძველზეც ის აიყვანეს, სტანდარტულია 173-ე ან 166 ადმინისტრაციული, რაც წვრილმან ხულიგნობასა და პოლიციელისადმი დაუმორჩილებლობას გულისხმობს.

გია ჯვარშეიშვილი დაკავებული იყო ერთი თვის წინაც. ის სამართალდამცავებმა დეკემბრის დასაწყისში, რუსთაველზე, საპროტესტო აქციაზე დააკავეს. უფლებადამცველი რადიო თავისუფლებას უყვებოდა, რომ დაკავებისას მას გამეტებით სცემეს, მანქანაში, გრძელ სკამებს შორის დააგდეს და ფეხებით შედგნენ. გია ცდილობდა სკამის ქვეშ შემძვრალიყო, რომ როგორმე სახე დაეცვა, მაგრამ ზემოდან, ისეთი ძალით ურტყამდნენ ფეხსაცმლის ძირს, რომ აცილება შეუძლებელი იყო.

ავტორი: ექსპრესნიუსი,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“