საბურთალოს რაიონის გამგეობის მხარდაჭერითა და ორგანიზებით, თბილისის N20-ე საჯარო სკოლაში დედის დღისადმი მიძღვნილი შოუ-კონცერტი გაიმართა.

მერიის ინფორმაციით, ღონისძიებას საბურთალოს რაიონის გამგებელი ბექა მიქაუტაძე და გამგებლის მოადგილე გაიოზ ვასაძე ესწრებოდნენ.

ღონისძიება საბურთალოს რაიონის გამგეობის გრძელვადიანი პროექტით, „შეცვალე დამოკიდებულება“ ფარგლებში, დაიგეგმა და განხორციელდა. კონცერტში მონაწილეობა მიიღეს სკოლის მოსწავლეებმა, ქორეოგრაფიული და ვოკალური ბავშვთა სკოლა-სტუდიების წარმომადგენლებმა,  ანიმატორების შოუ წარმოადგინეს არტ-კოალიცია „თანამედროვე თეატრის“ მსახიობებმა. ღონისძიების ფარგლებში,  გაიმართა ღია გაკვეთილი, რომელსაც ორი დიზაინერი ხელმძღვანელობდა.

სკოლის აღსაზრდელებს საბურთალოს რაიონის გამგეობამ სადღესასწაულო საჩუქრები გადასცა, ბავშვებმა კი დარბაზში მყოფი დედები ყვავილების თაიგულებით დაასაჩუქრეს.

ამასთან, სკოლის ადმინისტრაციის ორგანიზებით, ფოიეში გაიმართა სპეციალური საგანმანათლებლო საჭიროების მქონე ბავშვთა ნამუშევრების - ხელნაკეთი ნივთების გამოფენა.

თბილისის N203-ე საჯარო სკოლაში ყრუ და სმენადაქვეითებული ბავშვები სწავლობენ. ღონისძიება საბურთალოს რაიონის გამგეობის სამთვიანი პროექტის „შეცვალე დამოკიდებულება“ ფარგლებში განხორციელდა. პროექტი შშმ პირთა საზოგადოებაში ინტეგრაციას ისახავს მიზნად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს