ეკონომიკისა და მდგრადი განვითარების სამინისტრო ჭოველიძის ქუჩა მდებარე შენობისთვის, სადაც უწყების დროებით განთავსება იგეგმება, ყოველთვიურად ქირას - 75 000 აშშ დოლარის ექვივალენტს ლარში გადაიხდის.

როგორც „ექსპრესნიუსს“ეკონომიკისა და მდგრადი განვითარების სამინისტროდან აცნობეს, უწყებამ თბილისში, ჭოველიძის ქუჩა 10-ში მდებარე შენობა შპს „ბიზნეს ცენტრი ბელინსკისგან“  2016 წლის ბოლომდე იქირავა.

 „შენობა, სადაც დროებით გადავდივართ,  7 500 კვ.მ-ია და ეს ფართი უსათუოდ გვჭირდებოდა სამინისტროსთვის.  თქვენ გახსოვთ, რომ ჭანტურიას ქუჩაზე მდებარე ჩვენი შენობა  გასულ წელს აუქციონზე 6 მილიონ დოლარად გამოვიტანეთ და 9 მლნ. 500 ათას დოლარად გავყიდეთ.  ობიექტურად უნდა ვთქვა და მადლობა მინდა გადავუხადო ინვესტორს, რომელმაც ჩვენივე თხოვნით, გათვალისწინებულ ვადაზე  3 თვით მეტხანს გაგვაჩერა ამ შენობაში.  ჭოველიძის ქუჩაზე ნაქირავებ შენობაში ეკონომიკის სამინისტრო 1 აპრილიდან გადავა“, - განაცხადა დიმიტრი ქუმსიშვილმა მედიასთან საუბრისას.

სამინისტროს ცნობით, შენობა სრულად უზრუნველყოფილია სამუშაო პროცესისთვის საჭირო ავეჯით, მატერიალურ-ტექნიკური ბაზითა და პარკინგით. სამომავლოდ ეკონომიკისა და მდგრადი განვითარების სამინისტროსთვის ახალი შენობის აშენება იგეგმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს