სსიპ „ტექნოლოგიური განვითარების ფონდში“ პროექტის „თბილისის საუნივერსიტეტო კლასტერი“ ფარგლებში, ჰოლანდიის ქალაქ როტერდამის ერასმუსის უნივერსიტეტის წარმომადგენლები ტგფ-ის უფროსის მოადგილე შოთა საღრიშვილმა და ინოვაციების ტექნოლოგიური განვითარების სამსახურის მთავარმა სპეციალისტმა ნინა სამარგულიანმა მიიღეს.

თბილისის მერიის ინფორმაციით, ერასმუსის უნივერსიტეტის ბინათმშენებლობისა და ურბანული განვითარების კვლევების ინსტიტუტს (IHS) შეხვედრაზე წარმოადგენდნენ: საერთაშორისო პროექტებისა და საკონსულტაციო მომსახურების უფროსი კარლი პენინკი, ფინანსური ადმინისტრატორი ჯერჯან ვან ზოესტი და ინსტიტუტის რუმინეთის ფილიალის დირექტორი ნიკოლ ტარალუნგა.

ნიდერლანდელი სტუმრები პროექტის კონცეფციას, მიზნებსა და სამომავლო გეგმებს გაეცნენ. IHS-ს საქართველოში პროექტებზე მუშაობის გამოცდილება გააჩნია და მისმა წარმომადგენლებმა კლასტერის ფარგლებში კონსულტაციის გაწევისა და გამოცდილების გაზიარების მზადყოფნა გამოთქვეს.

IHSახორციელებს საკონსულტაციო მომსახურებას მუნიციპალიტეტებისთვის ურბანული დაგეგმარების საკითხებში. აქედან გამომდინარე, განიხილეს თბილისის მუნიციპალიტეტთან შესაძლო თანამშრომლობის საკითხები, რაც პროექტის ფარგლებში ონლაინ-კათედრაზე შესაძლოა განხორციელდეს.

საკონსულტაციო მომსახურება შესაძლებელია ფონდში არსებულ ტრენინგ ცენტრთან თანამშრომლობის შემთხვევაშიც. კერძოდ, ტრენერების გადამზადება, მოთხოვნაზე მორგებული ტრენინგები, ასევე ცენტრში ტრენერების მოწვევა.

პროექტის „თბილისის საუნივერსიტეტო კლასტერი“ მიზანია შეიქმნას ონლაინ-კათედრა, სადაც კლასტერის წევრებს შორის მუდმივად იქნება თანამედროვე სწავლების მეთოდების, სასწავლო პროგრამების და გამოცდილების გაზიარება. ეს დაეხმარება თბილისს გახდეს რეგიონის საგანმანათლებლო ცენტრი.

კლასტერში დღეისთვის ამერიკული, ბრიტანული, ესტონური, ლიტვური და ქართული 7უნივერსიტეტია გაერთიანებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს