2024-12-17 22:54:11, 412 ნახვა

---

„უცებ მოვარდა ვიღაც და წამებში მოხდა ყველაფერი“ - გიორგი ვაშაძე აცხადებს, რომ მასზე თავდასხმა განხორციელდა

„ერთიანობა - ნაციონალური მოძრაობის“ ერთ-ერთი ლიდერი გიორგი ვაშაძე აცხადებს, რომ თბილისში, პარლამენტთან მიმდინარე აქციაზე თავს დაესხნენ.

როგორც ვაშაძემ „TV პირველთან“ საუბრისას აღნიშნა, არსებობს თავდასხმის ვიდეოკადრები.

„ვსაუბრობდი და თავს დამესხა კონკრეტული პიროვნება. ვიდეოკადრებიც არის, დააფიქსირა აქ ხალხმა, ვინ არის ეს ადამიანი სახეზე. ყელში მირტყამდა... კობახიძესა და ივანიშვილს ვეუბნები, რომ აი, ამ ყველა „ტიტუშკას“ ბოლოს თქვენ წინააღმდეგ ექნება ჩვენება მიცემული ამ დანაშაულისთვის, რომელსაც თქვენ ჩადიხართ. უცებ მოვარდა ვიღაც და რაღაც წამებში მოხდა ეს ყველაფერი. მომეხმარნენ და გაიქცა შემდეგ ეს ადამიანი... ცივი იარაღიც ხელში მაქვს, რითაც თავდასხმა მოხდა“,- აცხადებს ვაშაძე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი