ფინანსთა სამინისტროს საგამოძიებო სამსახურმა, წინასწარი შეთანხმებით ჯგუფის მიერ, დიდი ოდენობით სხვისი კუთვნილი 7 000 აშშ დოლარის თაღლითურად დაუფლების ფაქტზე ორი პირი დააკავა.

საგამოძიებო უწყების ინფორმაციით, გამოძიებამ დადგინდა, რომ ბრალდებულები აპოლონ ჯანჯღავა და რატი ბურდულაძე სსიპ “სახელმწიფო ქონების ეროვნული სააგენტოს” ქვემო ქართლის მომსახურების ცენტრის უფლებამოსილი პირის სახელის მოტყუებით გამოყენებით, ქალაქ რუსთავში მდებარე სახელმწიფო საკუთრებაში არსებული არასასოფლო-სამეურნეო დანიშნულების მიწის ნაკვეთის პრივატიზაციის მიზნით, სასურველი საფასურის დადგენის, აუქციონის ჩატარებისა და მასში გარანტირებული გამარჯვების სანაცვლოდ, თაღლითურად მოქალაქის კუთვნილ 7 000 აშშ დოლარს დაეუფლნენ.

აღნიშნულ ფაქტთან დაკავშირებით გამოძიება სისხლის სამართლის კოდექსის 180-ე მუხლის მე-2 და მე-3 ნაწილებით დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სოფელ წინაკვერკვეში მეწყრული პროცესები ვითარდება

ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება