კახა კალაძე: „გაზპრომთან“ მოლაპარაკებები იმასთან დაკავშირებით მიმდინარეობს, რომ საქართველო ბუნებრივი აირით სრულად იყოს უზრუნველყოფილი

2016-02-25 18:19:14, 724 ნახვა

ეკონომიკა

"გაზპრომთან" შეთანხმება მიღწეული არ არის და მოლაპარაკებები კვლავ გაგრძელდება. რუსეთი საქართველოს საკუთარ პირობებს უყენებს და ფულად ანაზღაურებას ჰპირდება.

რუსულ კომპანიასთან დიალოგის თემა სომხეთისთვის გაზის ტრანსპორტირების გადასახადის საკითხია.

აღნიშნულ მოლაპარაკებებთან დაკავშირებით, ენერგეტიკის მინიტრმა კახა კალაძემ ის პირობები განმარტა, რაზეც ამ ეტაპზე მოლაპარაკება მიმდინარეობს.

„მოლაპარაკებები მიმდინარეობს იმასთან დაკავშირებით, რომ საქართველო უზრუნველყოფილი იყოს ბუნებრივი აირით სრულად და ასევე ჩვენ გვქონდეს შესაძლებლობა ნებისმიერ დროს, იმ შემთხვევაში რა საჭიროება და მოთხოვნაც იქნება ბაზარზე შეგვეძლოს ბუნებრივი აირის ყიდვა“, - განაცხადა კახა კალაძე.

შეგახსენებთ, ამ დრომდე არსებული შეთანხმებით საქართველო რუსეთის მიერ სომხეთისთვის მიწოდებული გაზის 10%-ს იღებდა, რაც გაცილებით მეტია იმ ფულად თანხაზე, რასაც რუსეთი დღესდღეობით საქართველოს ახალი შეთანხმების ფარგლებში სთავაზობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან