ქუცნაშვილი: გაკეთდა ულტიმატუმის მქონე განცხადება რესპუბლიკელების მხრიდან

2016-02-23 23:35:10, 356 ნახვა

პოლიტიკა

''გაკეთდა ულტიმატუმის მქონე განცხადება რესპუბლიკელების მხრიდან'' - ასე გამოეხმაურა რესპუბლიკელებსა და გოგი თოფაძეს შორის არსებულ დაპირისპირებას ქართული ოცნების ერთ-ერთი ლიდერი, ზაქარია ქუცნაშვილი. მან აღნიშნულ დაპირისპირებას ''პრობლემა'' უწოდა და განაცხადა, რომ ქართულმა ოცნებამ ყველაფერი უნდა გააკეთოს, რომ კოალიცია შეინარჩუნოს.

''გაკეთდა ულტიმატუმის მქონე განცხადება რესპუბლიკელების მხრიდან. პრობლემა არის და ამ პრობლემას გადაწყვეტა სჭირდება. მე მიმაჩნია, რომ კოალიციას თავისი რესურსი არ ამოუწურავს. კოალიცია ბევრად სჯობს ერთპარტიული უმრავლესობის ფორმატს და მიმაჩნია, რომ, რაც არ უნდა რთული იყოს, წამყვანმა პარტიამ ქართულმა ოცნებამ ყველაფერი უნდა გააკეთოს, რომ შემავალი სუბიექტები პიროვნულადაც და იდეურადაც დაუახლოვდნენ ერთმანეთს,'' - განაცხადა ზაქარია ქუცნაშვილმა გადაცემა არჩევანში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან