რუსი ულტრანაციონალისტი იდეოლოგი ალექსანდრ დუგინი საქართველოში „უცხოური გავლენის გამჭვირვალობის შესახებ" კანონპროექტის წინააღმდეგ პროტესტსა და საპარლამენტო უმრავლესობის ლიდერ მამუკა მდინარაძეზე „მოქალაქეების" ლიდერის, ალეკო ელისაშვილის თავდასხმას სოციალურ ქსელში ეხმაურება.

დუგინი ასევე საქართველოს პრეზიდენტ სალომე ზურაბიშვილს ამერიკის შეერთებული შტატების აგენტს უწოდებს და მის ჩანაცვლებაზე საუბრობს.

„საქართველოში ისევ გამწვავდა სიტუაცია გონიერ ქართველებსა და რუსეთის ფედერაციაში აკრძალულ ლგბტ-ს გაცოფებულ მხარდამჭერებს შორის. ეს ის მომენტია, როდესაც „ქართული ოცნება“ მთელი სერიოზულობით უნდა შეუდგეს საქმეს. „ოცნების" ლიდერზე ვიღაც ცოფიანი ლგბტ არსების თავდასხმა არის აგრესიის პირდაპირი გამოხატულება.

თუ საქართველო ქართველებისთვის ძვირფასია, მაშინ ქვეწარმავალი ახლავე და უმოწყალოდ უნდა გაანადგურონ. აშშ-ის აგენტ სალომე ზურაბიშვილთან ერთად. იქ პრეზიდენტი არაფერს წარმოადგენს, უმოკლეს დროშია შესაძლებელი შეცვლა და საქართველოს ნამდვილი პატრიოტის არჩევა. საკმარისი იქნება მხოლოდ ნება. რკინის ხელის დროა. ქართველები ასეთები არიან, როგორც ისტორია გვასწავლის. დროა გაიხსენონ, როგორ კეთდება ეს“,- წერს დუგინი.

ავტორი: ექსპრესნიუსი,

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში