უკრაინელები, შესაძლოა, დაიღალნენ, მაგრამ რუსეთთან კომპრომისზე არ წავლენ,- ამის შესახებ უკრაინის პრეზიდენტის ადმინისტრაციის უფროსმა, ანდრეი ერმაკმა Politico-სთან ინტერვიუში განაცხადა.

ერმაკის თქმით, საომარ მდგომარეობაში მყოფი ქვეყნის მოსახლების განწყობა "კვლავ ძლიერია".

"ადამიანებმა, შესაძლოა, თქვან, რომ დაღლილები არიან, მაგრამ თუ ჰკითხავთ, სურთ თუ არა რუსეთთან კომპრომისზე წასვლა, ისინი ხაზგასმით ამბობენ უარს. და ის ფაქტი, რომ ხალხი უკრაინაში რჩება ოჯახებთან ერთად, დასტურია იმისა, რომ ზოგადად, ხალხის განწყობა კვლავ ძლიერია",- ამბობს ერმაკი.

პრეზიდენტის ადმინისტრაციის უფროსის თქმით, მოსკოვთან შეთანხმება "ახლა სრულიად შეუძლებელია".

"რუსები არ არიან დაინტერესებული მოლაპარაკებებით. მათ სურთ უკრაინის კაპიტულაცია, მაგრამ ეს არასდროს მოხდება - ჩვენ ყველანი, ვინც უკრაინაში ვართ, არ მივიღებთ რამე კომპრომისს ჩვენს დამოუკიდებლობაზე, ჩვენს ტერიტორიულ მთლიანობაზე, ჩვენს თავისუფლებაზე. პრეზიდენტი არასდროს დათანხმდება ისეთ რამეზე, როგორიც არის მინსკის შეთანხმებები ან გაყინული კონფლიქტი - ამაში დარწმუნებული ვარ",- აცხადებს ერმაკი.

მისივე თქმით, ქვეყანა დამატებით საჰაერო თავდაცვის სისტემებს კვლავ საჭიროებს.

”ჩვენ ჯერ კიდევ კრიტიკულად გვჭირდება დამატებითი საჰაერო თავდაცვის სისტემები, რადგან მათ გარეშე ჩვენთვის შეუძლებელია ჩვენი ქალაქების დაცვა",- განაცხადა ერმაკმა.

ავტორი: ექსპრესნიუსი,

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა