ბელარუსის პრეზიდენტი ალექსანდრ ლუკაშენკო ორდღიანი ვიზიტით ჩინეთის სახალხო რესპუბლიკაში იმყოფება. ამის შესახებ ინფორმაციას რუსული მედია ბელარუსის პრეზიდენტის პრესსამსახურზე დაყრდნობით ავრცელებს.

პრესსამსახურის ცნობით, ვიზიტის ფარგლებში ლუკაშენკო ჩინეთის პრეზიდენტს, სი ძინპინს შეხვდა.

ლუკაშენკომ შეხვედრისას განაცხადა, რომ "ბელარუსი ყოველთვის იყო და იქნება ჩინეთის საიმედო პარტნიორი". 

მისივე თქმით, მინსკსა და პეკინს შორის ურთიერთობების დონის ისტორიულმა ზრდამ მძლავრი ბიძგი მისცა ტრადიციული მიმართულებების გაღრმავებას და ასევე, თანამშრომლობის ახალი ვექტორებისა და მექანიზმების დაწყებას.

ჩინეთის სახალხო რესპუბლიკის ლიდერმა ბელარუსი-ჩინეთის ურთიერთობების პოზიტიურ დინამიკას გაუსვა ხაზი და აღნიშნა, რომ თებერვლის ბოლოს-მარტის დასაწყისში ორმა ქვეყანამ ურთიერთობების დინამიური განვითარების სასარგებლოდ მნიშვნელოვან შეთანხმებებს მიაღწია.

ცნობისთვის, ბელარუსის პრეზიდენტი ალექსანდრ ლუკაშენკო ჩინეთის სახალხო რესპუბლიკის ლიდერს, სი ძინპინს ბოლოს მიმდინარე წლის მარტში შეხვდა. 

ავტორი: ექსპრესნიუსი,

სოციალური ქსელები

გორში, პოლიციის განყოფილებასთან ხმაურია - ვიდეო

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან