2023-10-08 12:16:41, 690 ნახვა

---

საგარეო - თავდასხმის დროს ღაზას სექტორის მიმდებარედ საქართველოს 4 მოქალაქე იმყოფებოდა - ოთხივე უსაფრთხო ადგილზეა

საქართველოს საგარეო საქმეთა სამინისტროს ინფორმაციით, ისრაელზე განხორციელებული თავდასხმის დროს ღაზას სექტორის მიმდებარე ტერიტორიაზე საქართველოს 4 მოქალაქე იმყოფებოდა.

როგორც უწყება ისრაელში საქართველოს საელჩოზე დაყრდნობით იტყობინება, ამ დროისთვის, ოთხივე მათგანი უსაფრთხო ადგილას იმყოფება.

"საელჩოს ხელთ არსებული ინფორმაციით, შეიარაღებული თავდასხმის დროს ღაზას სექტორის მიმდებარე ტერიტორიაზე საქართველოს 4 მოქალაქე იმყოფებოდა. ამ ეტაპზე ოთხივე მათგანი იმყოფება უსაფრთხო ადგილას. 

აღნიშნული ინფორმაცია გადამოწმდა როგორც ისრაელის მხარესთან, ასევე  ხსენებული ოთხი პირიდან ერთ-ერთთან კომუნიკაციის შედეგად. 

რაც შეეხება ინტერნეტსივრცეში გავრცელებულ ფოტომასალას, მიმდინარეობს ავთენტურობის დადგენა და ვიდრე არ გაირკვევა დეტალები, დაუზუსტებელი ინფორმაციის გავრცელებისგან გთხოვთ თავი შეიკავოთ",- ნათქვამია საგარეო უწყების ინფორმაციაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი