რუსეთმა უკრაინაში სრულმასშტაბიანი შეჭრის დაწყებისას თავისი დაღუპული ჯარისკაცების ცხედრების დაბრუნებაზე უარი თქვა, რადგან ზარალს არ ცნობდა,- ამის შესახებ უკრაინის თავდაცვის მინისტრმა, ალექსეი რეზნიკოვმა განაცხადა.

რეზნიკოვის თქმით, პუტინს არ ჰქონდა ინფორმაცია უკრაინაში რუსეთის დანაკარგების შესახებ.

"რუსების ცინიზმმა გამაოცა. იმ დღეს, როდესაც ჩვენ ვიყავით მოლაპარაკებებზე [ბელარუსში, 2022 წლის 28 თებერვალს], ჩვენ დავთვალეთ დაახლოებით 3 000 დაღუპული რუსი ჯარისკაცი. ჩვენ ვსხედვართ, ვსაუბრობთ, მეორე მხარეს მომლაპარაკებელი მხარე ზის. ვეუბნები, კარგი, დერეფნებზე და მოსახლეობის გაყვანაზე შევთანხმდით, მაგრამ თქვენი დაღუპულების გვამებს რას ვუზამთ?

რუსეთის დელეგაციის ხელმძღვანელი თავდაცვის მინისტრის მოადგილეს მიმართავს და ამბობს, რომ "არ ვადასტურებთ, გვყავს 10 ან 20 ან 30 დაღუპული. დელეგაციის ხელმძღვანელი ჩემთან ბრუნდება: „არ ვადასტურებთ“. მე ვამბობ, შეიძლება არ დაადასტუროთ, მაგრამ 3 000 ჯარისკაცის ცხედარი ჩვენს ტერიტორიაზე ლპება",- განაცხადა რეზნიკოვმა.

შეგახსენებთ, რომ  სრულმასშტაბიანი შემოჭრის დაწყების შემდეგ, უკრაინამ 1 751 დამცველის ცხედრის დაბრუნება შეძლო.

ამასთან, თავად რუსეთი არ აკეთებს საკუთარი გარდაცვლილი ჯარისკაცების აღრიცხვას, რათა არ მოხდეს მათი სრული რაოდენობის დადგენა.

ავტორი: ექსპრესნიუსი,

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს