დღეს აჭარის მთავრობის გასვლითი სხდომა შუახევის მუნიციპალიტეტში გაიმართა. სხდომაზე გაზრდილი ბიუჯეტის ფარგლებში დაგეგმილი მასშტაბური პროექტები განიხილეს.

შუახევის მუნიციპალიტეტში ხორციელდება ისეთი მნიშვნელოვანი პროექტები, როგორიცაა განახლებული რეგიონების სახელმწიფო პროგრამა, რომლის ფარგლებში რეაბილიტაცია ჩაუტარდება შუახევის კულტურის სახლს.

შუახევში ტურისტული მიზიდულობის მნიშვნელოვანი ცენტრები იქმნება. ჭვანას ხეობაში ტურისტული ინფრასტრუქტურის მოწყობისთვის გამოყოფილია 10 მლნ ლარი. ასევე დაახლოებით 10 მლნ ლარი დაიხარჯება ჩირუხის მთაზე ევროპაში ყველაზე გრძელი, ორზოლიანი ზიპლაინის მოწყობისთვის. ჯვარიმინდორზე დაიწყო თავშესაფრის  და საპიკნიკე ინფრასტრუქტურის მშენებლობა. იგეგმება კავიანის ციხის გავლით ქედისა და შუახევის მუნიციპალიტეტებზე გარდამავალი საფეხმავლო-საველოსიპედე ბილიკის მოწყობა.

დაწყებულია გომარდულის განვითარების მასშტაბური პროექტი. საერთაშორისო კომპანიის მიერ მომზადდა სპორტული ტურიზმის განვითარების კვლევა აჭარაში, რომელიც გომარდულის განვითარებას მოიცავს. წელს იწყება ინფრასტრუქტურის მოწყობა.

ფაქტობრივად ყველა კომერციული საქმიანობა გომარდულში გათავისუფლებულია ქონების გადასახადისგან.

გაზრდილი ბიუჯეტის ფარგლებში განხორციელდება დაბა შუახევის და შუახევის სოფლების ცენტრების კეთილმოწყობა. შუახევის სისტემური განვითარება ხელს შეუწყობს სრულიად ახალი შესაძლებლობების გაჩენას.

გზების რეაბილიტაციისთვის შუახევის მუნიციპალიტეტში 10 883 580 ლარი დაიხარჯება.

წყალმომარაგებისა და წყალარინების პროგრამის ფარგლებში შუახევის მუნიციპალიტეტის  17 სოფელში თანამედროვე წყალმომარაგებისა და წყალარინების სისტემები შეიქმნება.

მიმდინარეობს 240 მოსწავლეზე გათვლილი, დაბა შუახევის სკოლის მშენებლობა. რეაბილიტაცია ჩაუტარდება ექვს სკოლას. მუნიციპალიტეტს შეემატება სამი ახალი ბაღი.

ადგილობრივი თვითმმართველობის ჩართულობით და აჭარის მთავრობის  ფინანსური მხარდაჭერით შუახევის აშენდა პირველი პროფესიული სასწავლებელი, რაც ადგილობრივ მოსახლეობას დასაქმების ახალ შესაძლებლობებს შეუქმნის.

მიმდინარეობს, 500 მაყურებელზე გათვლილი, დაბა შუახევის ცენტრალური მოედნის კეთილმოწყობა. რეაბილიტაცია ჩაუტარდება ჭვანის, ხიჭაურის და ტაკიძეების სპორტული მოედნები.

ჯანმრთელობისა და სოციალური დაცვის მიმართულებებით განხორციელდება 14 ახალი პროგრამა, რისთვისაც დამატებით ბიუჯეტიდან 1 291 170 ლარი გამოიყოფა. დაიწყება სოფლის ამბულატორიების რეაბილიტაცია.

გაგრძელდება სოფლად მეწარმეობის განვითარების და საოჯახო მეურნეობების განვითარების ხელშეწყობის პროგრამები. განახლებული ბიუჯეტით განხორციელდება მუნიციპალიტეტის შიდა საუბნო გზების, სასმელი წყლის რეაბილიტაცია; იალაღებზე ელექტროსადენების ქსელის მოწყობა; ჩირუხისა და გომის მთის ცენტრების კეთილმოწყობა. გაორმაგდება მეწყერსაწინააღმდეგო ღონისძიებების ბიუჯეტი.

ავტორი: NS (სტატია დაფინანსებულია),

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“