საქართველოს რკინიგზელთა პროფესიულმა კავშირმა 110 წლის იუბილე უცხოელ პარტნიორებთან ერთად აღნიშნა

2015-10-04 17:03:53, 649 ნახვა

საზოგადოება

საქართველოს რკინიგზის პროფესიულმა კავშირმა 110 წლის იუბილესთან დაკავშირებით ღონისძიება გამართა.

საღამო „არტ ჰოლში“ გაიმართა, რომელსაც უცხო ქვეყნის დელეგაციებიც ესწრებოდნენ.

„დღეს ჩვენ გვაქვს საიუბილეო თარიღი. საქართველოს რკინიგზის პროფესიული კავშირი 110 წლისაა. მინდა შემთხვევვით ვისარგებლო და ყველას ეს ღირსშესანიშნავი თარიღი მივულოცო. რამდენიმე დელეგაცია გვესტუმრა. ჩვენტვის მართლაც პრიორიტეტულია აღნიშნული ურთიერთობების გაღრმავება. ჩვენს ორგანიზაციაში ბოლო 2–3 წელია დავნერგეთ რამდენიმე მნიშვნელოვანი პროექტი და იმედია წარმატებული თანამშრომლობა მომავალშიც გაგრძელდება“, – განაცხადა საქართველოს რკინიგზის გენერალურმა დირექტორმა მამუკა ბახაძემ.

საიბულიეო ღონისძიებას ესწრებოდნენ, მსოფლიო ტრანსპორტის ფედერაციის რკინიგზის სექტორის მდივანი, ასევე რკინიგზისა და რკინიგზელთა ტრანსპორტის საერთაშორისო კონფედერაციის გენერალური მდივანი. ლიტვის, ლატვიის, ესტონეთის, თურქეთის, უნგრეთის, აზერბაიჯანის, სომხეთის, ყაზახეთის,ყირგიზეთის და რუსეთის პროფესიული კავშირების წარმომადგენლები.

„ პირველი შემთხვევაა, როდესაც მსგავს ღონისძიებაში თურქეთი მონაწილეობს, რადგან თურქეთსა და საქართველოს სარკინიგზო ურთიერთობა არ აქვს. ჩვენ 2016 წლის კოლექტიური ხელშეკრულების ფარგლებში გვინდა დამატებითი ვალდებულებები დავაკისროთ ადმინისტრაციას, რაც სოციალური და სამუშაო პირობების გაუმჯობესებას ითვალისწინებს. დღეს ჩვენ რკინიგზაში გვაქვს შრომის დავები კომისია. იმედია ამ კომისიის მუშაობა და გადაწყვეტილებები ადმინისტრაციის მხრიდან შესაბამისად იქნება გათვალისწინებული. მოსალოდნელი გადაწყვეტილებები, რომელიც იწვევ შრომის პირობების შეცვლას, ამ კომისიის მიერ იქნება შესწავლილი“, – აღნიშნა რკინიგზელთა პროფკავშირების თავჯდომარე ზურა ნასარაიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან