თბილისის მერი დავით ნარმანია, პრემიერ მინისტრ ირაკლი ღარიბაშვილთან და მთავრობის სხვა წევრებთან ერთად, „ქართული ღვინის დღის“ აღსანიშნავად გამართულ ღონისძიებებს დაესწრო. სოფლის მეურნეობის სამინისტროს და ღვინის ეროვნული სააგენტოს ორგანიზებით, უკვე მეორე წელია, 4 ოქტომბერს  „ქართული ღვინის დღე“  აღინიშნება.  სახალხო ზეიმის ძირითადი მიზანი, ადგილობრივ ბაზარზე ქართული ღვინის პოპულარიზაცია და ღვინის მოხმარების კულტურის ამაღლებაა.

,,ქართული ღვინის დღის“  ფარგლებში,  ღვინის ეროვნული სააგენტოს ოფისში ქართული ღვინის ცენტრი საზეიმოდ გაიხსნა. ცენტრი ღვინის მცირე მუზეუმს, ენოთეკას, მარანს, სადეგუსტაციო ოთახებსა და  სასწავლო აუდიტორიებს მოიცავს. ღვინის  მუზეუმში  მევენახეობა-მეღვინეობასთან დაკავშირებული სამეურნეო იარაღი, ყურძნის საწური და ღვინის შესანახი ჭურჭელი,  სუფრის საღვინე ჭურჭელი და სასმისებია წარმოდგენილი.  

დედაქალაქის მერი, „ქართული ღვინის ცენტრის“ საზეიმოდ გახსნის შემდეგ,  ვარდების მოედანზეც იმყოფებოდა, სადაც მთელი დღის განმავლობაში თბილისელები „ქართული ღვინის დღეს“ იზეიმებენ - ღვინის მწარმოებელი კომპანიები მომხმარებლებს საკუთარ პროდუქციას წარუდგენენ.  ვარდების მოედანზე, ღონისძიების ფარგლებში ღვინის თემატიკასთან დაკავშირებული ნახატების, ფოტოების, კულტურულ-ტრადიციული ნიმუშების და ღვინო-პროდუქციის გამოფენა-გაყიდვა მიმდინარეობს. გაიმართება კონცერტიც.  საზეიმო განწყობის შექმნის მიზნით,  4 ოქტომბერს, დედაქალაქის უცხოელ სტუმრებს,  აეროპორტში   „ქართული ღვინის დღის“ აღსანიშნავად სუვენირები გადაეცემათ და ღვინის დაგემოვნების  საშუალება ექნებათ.

ქართული ღვინის დღე საქართველოს პრემიერ-მინისტრის, ირაკლი ღარიბაშვილის ინიციატივით 2014 წელს დაწესდა და პირველად შარშან აღინიშნა.  წელს,  საზეიმო ღონისძიებებმა უფრო მასშტაბური სახე მიიღო და „ქართული ღვინის დღეს“ თბილისის გარდა,  თელავში, ქუთაისში, რუსთავსა  და ამბროლაურშიც იზეიმებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“