ჯანდაცვის სამინისტრო სასწრაფო სამედიცინო დახმარების ექიმებზე საზოგადოების თავდასხმისგან დაცვის მიზნით შინაგან საქმეთა სამინისტროსთან თანამშრომლობს.

ამის შესახებ ჟურნალისტებს შრომის, ჯანმრთელობისა და სოციალური დაცვის მინისტრმა დავით სერგეენკომ  განუცხადა.

„ის დამოკიდებულება, რაც საბედნიეროდ საზოგადოების მცირე ნაწილში არის ექიმების და განსაკუთრებით სასწრაფო დახმარების ექიმების მიმართ, აბსოლუტურად მიუღებელია და არანაირ ლოგიკაში არ ჯდება. ადამიანები, რომლებიც მიიჩქარიან, რომ ადამიანის სიცოცხლე გადაარჩინონ, ხდებიან თავდასხმის მსხვერპლნი. ჩვენ შარშან ამის შესახებ საკმაოდ ინტენსიური მსჯელობა გვქონდა, როდესაც ერთ–ერთი ასეთი შემთხვევა მოხდა. ჩვენ შსს–სთან ვთანამშრომლობთ და ვფიქრობთ ეფექტურ მოდელს მალე დავასრულებთ, რომელიც ჩემს კოლეგებს ასეთი აბსოლუტურად მიუღებელი, ასოციალური საქციელისგან დაიცავს“, – აღნიშნა სერგეენკომ.

შეგახსენებთ, ბოლო დროს სასწრაფო– სამედიცინო დახმარების ექიმებზე თავდასხმის რამდენიმე ფაქტი განხორციელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T