ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე აშშ–ს ელჩს საქართველოში იენ კელის შეხვდა. შეხვედრა დახურულ კარს მიღმა გაიმართა. როგორც შეხვედრის დასრულების შემდეგ დავით ბაქრაძემ ჟურნალისტებს განუცხადა, მხარეებმა ორმხრივი ურთიერთობის გამყარების თვალსაზრისით დაგეგმილ ღონისძიებებზე ისაუბრეს.

„აშშ ჩვენი სტრატეგიული პარტნიორია. ჩვენთვის ძალიან მნიშვნელოვანია, რომ ამ პარტნიორობას ძალიან მაღალი მხარდაჭერა აქვს ორივე მხრიდან. მნიშვნელოვანია, რომ საქართველოს მისწრაფებებს, რაც უკავშირდება ევროპულ ინტეგრაციას, აქვს სრული მხარდაჭერა აშშ–ს ხელისუფლების მხრიდან. ვისაუბრეთ ორმხირივი ურთიერთობის გამყარების თვალსაზრისით დაგეგმილ ღონისძიებებზე, რაზეც გვაქვს ერთმანეთის მსგავსი ხედვა თუ რა სფეროებში და რა მიმართულებით ვხედავთ პოტენციალს მომავალი განვითარებული და გაძლიერებული თანამშრომლობისთვის. ეს იქნება, როგორც ეკონომიკური, სავაჭრო თანამშრომლობა და სხვა მიმართულებები, რაც ძალიან მნიშვნელოვანია საქართველოსთვის. ჩვენ თავისუფალი სავაჭრო სივრცის შეთანხმება გვაქვს ევროკავშირთან, ვიწყებთ ჩინეთთან ამ საკითხზე მოლაპარკებებს. შესაბამისად ჩვენთვის მნიშვნელოვანია, რომ ამ თვალსაზრისით საქართველოს მაღალი სტანდარტი აღიარებული იყოს ასევე სხვა სახელმწიფოების მიერ“, – აღნიშნა ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს