2020-12-14 09:54:46, 597 ნახვა

---

ევროპის ქვეყნებმა ირანში ბიზნეს ფორუმს ოპოზიციონერი ჟურნალისტის სიკვდილით დასჯის გამო ბოიკოტი გამოუცხადეს

ევროკავშირის ქვეყნები ბოიკოტს უცხადებენ ირანში ონლაინ ბიზნეს ფორუმს, - ამის შესახებ ინფორმაციას „ბიბისი“ ავრცელებს.

გამოცემა წერს, რომ ამის მიზეზად 4 ქვეყნის ელჩი ოპოზიციონერი ჟურნალისტის, რუჰოლა ზამის სიკვდილით დასჯას ასახელებენ.

მედიის ცნობით, ონლაინ ბიზნეს ფორუმი, რომელიც ირანის დედაქალაქ თეირანში, უნდა გამართულიყო ბოიკოტის ნიშნად საფრანგეთის, გერმანიის, იტალიისა და ავსტრიის ელჩებმა დატოვეს.

მოგვიანებით ფორუმის ორგანიზატორებმა განაცხადეს, რომ ღონისძიებას დროებით გადადებენ.

შეგახსენებთ, რომ ირანში ჟურნალისტი რუჰოლა ზამი სიკვდილით 12 დეკემბერს დასაჯეს.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი