2020-12-06 15:33:42, 556 ნახვა

---

სამოქალაქო აქტივისტები, ნიკა ნარსია, გიორგი კაპანაძე და გივი ცინცაძე მოსამართლემ პატიმრობიდან გაათავისუფლა

სამოქალაქო აქტივისტები, ნიკა ნარსია, გიორგი კაპანაძე და გივი ცინცაძე სასამართლომ გაათავისუფლა, - ამის შესახებ გადაწყვეტილება ცოტა ხნის წინ მოსამართლე ივანე არღნიაშვილმა გამოაცხადა.

მედიის ცნობით, ივანე არღნიაშვილმა, დაცვის მხარის შუამდგომლობა დააკმაყოფილა და სასამართლო პროცესი 15 დეკემბრამდე გადადო, დაცვის მხარის ეს მოთხოვნები განპირობებული იყო პოლიციის ვიდეოკადრების ფაილებით, რომლის შესწავლასაც, მათივე განცხადებით, გონივრული დრო სჭირდება,

საქმე ეხება დაკავების და პროტესტის გამოხატვის მომენტს.

„ადვოკატებმა დავაყენეთ შუამდგომლობა რომ სასამართლო გადადებულიყო გონივრული ვადით, იმ საფუძვლით, რო გავცნობოდით მტკიცებულებებს, შსს-მ წარმოადგინა ფირები, რომელზეც მათი განმარტებით ასახულია, ე.წ სამართალდარღვევები, ამის შესასწავლად საჭიროა დრო და სწორედ ამ საფუძვლით გადადო მოსამართლემ პროცესი და მისი გაცნობის საშუალება მოგვცა.

4 დაკავებული დარბაზიდან გათავისუფლდა და 15 დეკემბერს ჩაინიშნა პროცესი“, - აცხადებს ერთ-ერთი აქტივისტის ადვოკატი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი