2020-12-04 17:04:10, 601 ნახვა
კომენტარი
ვახტანგ გომელაური არ გამორიცხავს, რომ ბადრი ესებუა საერთაშორისო ძებნილად გამოცხადდეს
შინაგან საქმეთა მინისტრი ვახტანგ გომელაური არ გამორიცხავს, რომ ზუგდიდში „საქართველოს ბანკზე“ თავდასხმისთვის ძებნილი ბადრი ესებუა საერთაშორისო ძებნილად გამოცხადდეს.
როგორც მან ჟურნალისტებთან საუბრისას აღნიშნა, ესებუას ადგილსამყოფელის დადგენის და დაკავების ღონისძიება კვლავ მიმდინარეობს.
„ბანკებში ყაჩაღობის შემთხვევები ყოველ წელს ხდებოდა და ყოველთვის ხდება. ხელყუმბარით შევარდნა რომელიც მოხდა, ის დავაკავეთ. ბადრი ესებუას საქმეზე მიმდინარეობს შესაბამისი ადგილსამყოფელის დადგენისა და დაკავების ღონისძიებები“, - განაცხადა ვახტანგ გომელაურმა.
ავტორი: ექსპრესნიუსი,
epn.ge (@expressnews.ge)
