„ოცნების“ მხრიდან  ბრალდება კოვიდის პოლიტიზაციასთან დაკავშირებით არის ურცხვი ტყუილი და ეს არის რეალურად ის, რასაც თავად აკეთებენ, - ასე ეხმაურება „ევროპული საქართველოს“ საარჩევნო შტაბის ხელმძღვანელი,  სერგი კაპანაძე პრემიერის განცხადებას, რომლის თანახმად ზოგიერთი ოპოზიციური პარტია კორონავირუსის პანდემიას პოლიტიკური მიზნებისთვის იყენებს.

მისი თქმით, ერთადერთი უპასუხისმგებლო პოლიტიკური ძალა, რომელიც პანდემიას პოლიტიკური მიზნებისთვის იყენებს, „ქართული ოცნებაა“.

„ერთადერთი უპასუხისმგებლო პოლიტიკური ძალა, რომელიც პანდემიას პოლიტიკური მიზნებისთვის იყენებს არის „ქართული ოცნება“. ისინი ჯერ შეეცადნენ, რომ პანდემიის დამარცხება გაესაღებინათ თავიანთ მთავარ წარმატებად და სამარცხვინოდ საარჩევნო ბუკლეტებიც კი დაარიგეს, სადაც მარტო იმაზე იყო საუბარი, თუ როგორ ძლიეს კოვიდს, ოღონდ მერე ყველამ ვნახეთ თუ როგორ გაზიარდა რიცხვები, მოიმატა დაინფიცირებულთა რაოდენობამ და ასევე გარდაცვლილთა რაოდენობამ.

ახლა, სამარცხვინოდ ასევე, ეს სამარცხვინო პოლიტიკური ძალა ნაკლებ ტესტებს ატარებს, რომ არ გაიზარდოს ინფიცირებულთა რაოდენობა და ასევე სამარცხვინოდ ორშაბათიდან აპირებენ ლოქდაუნს, ოღონდ ამაზე მოსახლეობას არაფერს არ ელაპარაკებიან.

ამიტომ, მათი მხრიდან ნებისმიერი ბრალდება კოვიდის პოლიტიზაციასთან დაკავშირებით არის უბრალოდ ურცხვი ტყუილი და ეს არის რეალურად ის, რასაც თავად აკეთებენ და არა ოპოზიციური ძალები“, - განაცხადა კაპანაძემ.

ცნობისთვის, პრემიერ-მინისტრ გიორგი გახარიას განცხადებით, ზოგიერთი უპასუხისმგებლო პოლიტიკური ძალა გლობალური ეპიდემიის პოლიტიკური ინტერესების ჭრილში გამოყენებას ცდილობს.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი